20媽媽小天地

今日我地會離開札幌去洞爺湖...............執好行李 check out 後先去食個靚早餐先!!!  開去二條市場......係札幌另一個出名食海鮮既魚市場. 

早餐加午餐, 我地要食飽D先有足夠身體力玩! 

去洞爺之前, 我地特登去呢個大大大公園, 俾兩個小朋友開心一下~ ^^

想俾兩隻小鬼顛一下, 可惜呢日天公不做美呀!!  開車途中已落起雨黎......... 

瀧野鈴蘭公園, 係收費既..........地方好大, 天氣好的話可以玩一整天呀!! 

一遍紫色波波, 好可愛呢~

里面有個餐廳, 可以坐底慢慢食...........我地當然唔駛食啦, 只係入來避吓雨 Haa Haa~

睇睇地圖, 有個室內既繩網陣............橫掂落雨, 拿拿聲去玩先!!!    就係呢個山洞里面..............

七彩繽紛既繩網, 兩個一見到已經一支箭標左去喇~

好安全, 大人都唔須要入去, 隔離有個休息室俾你 hea 等~

兩個超開心呀 ^^

細BB仲有個輕量級既, 唔怕俾D哥哥姐姐撞到!

晏少少停雨, 我地拿拿聱出去玩!! 呢個予晴咁大既波俾你任碌...........

大大既草地斜坡, 大家堆上去再碌落黎..............

有好多正野玩, 好可惜落雨濕都玩唔到........

呢個 sir 滑梯我睇見都勁想玩, 不過都無得玩呀~~~ 

幸好仲有好多得意既地方.............

移動城堡 ?!

落過雨後環境好清新, 好舒服呢~~

又有得玩水喇~

為何每次要求玩"少少水"既結局都係一樣?!?  這個小姐當然最後又係變左落湯雞   好彩咁啱有套衫係身.......!!

仲有好大個森林可以慢慢行~

設施融入大自然, 佈置好有趣呢~

盡情放晒D電, 走時予晴已經攰到瞓左喇~~

我地起程向洞爺湖進發 Go Go Go~~  離開雨帶區, 天色開始清呢!

我地去到旅館先 check in............房間面向洞爺湖, 好開心呢~

我地換好浴衣, 趁仲有光先去湖邊影D相..............

古靈精怪的小 model 

多謝兩個小朋友都為我地留影~

跟住就返去食晚餐........旅館包既晚餐, 唔錯呢~

燒肉啤酒, 幾時都係絕配呀~

食飽上房 hea 吓.........我地又自己動手鋪 tatami...........瞓咁多次, 好熟手架喇~

話咁快, 攪掂!!

每晚8:45 都有洞爺湖花火大會, 我地當然唔會錯過喇~
相比其他花火大會呢個規模很少, 不過能夠一齊睇, 很幸福呢!

睇完花火, 仲未夠喉..................去攞左D之前買既煙花黎放, 好開心呢~ ^^

多謝爸爸幫我地影相 !!  ( 鬼呀~~~~~~)

p.s. 旅館一覽

Granvillage Toya Daiwa Ryokan Annex (大和旅館分館) , 小小的日式旅館, 呢度應該大部份旅館都面向洞爺湖, 很好 view. 

房間簡單乾淨, 基本的都有.....

房內只有洗手間, 洗澡便去大浴場, 我地當然完全問題啦~