因為尋日無左日頭既節目, 我地今日就補去一D景點,.........好彩我地安排既行程唔密, 可以調動到!
先介紹陪伴左我地14日既小黑 369 !!! 佢好乖, 帶我地室安全去到各個地方!! ^^
好......我地第一站先去芝士工房....
富良野起司工房 |
富良野市中5区 |
Tel: 0167-23-1156 |
http://www.furano-cheese.jp/ |
4月〜10月 上午9:00〜下午5:00 |
11月〜3月 下午9:00〜下午4:00 |
Map Code 550 840 171 |
預約專線0167-23-1156 / email:cheese@furano.ne.jp |
原先係book 左尋日下午整芝士的, 如果今日整時間就會趕得濟, 所以到此一遊算啦!!
好大好明亮既窗....影相好靚.......不過可惜我D光暗錯左 -______-'
爸爸, 你煮D咩 ?!
呢個應該係經典既揸牛奶位!! 哈哈~
入到去有得試食三款芝士.....Good Good ! 我地一家都唔算係好喜歡芝士既 fans, 幸好無整到, 如果唔係兩盒芝士唔知要食幾耐呀!!
我地買左佢既cake 同牛奶, 真係好好味呢~
唔停口......
唔停口 x 2
呢度可以睇到做緊既芝士, 亦可以睇到人地點樣學整.........
之後去隔離既雪糕工房...........
結果當然係...................
食雪糕................好滑呀~~
唔停口 x 3 Haaa Haaa~
離開時係門口草地既大機車.............
仲有好可愛既欄杆 ^^
富良野市仲有其他地方例如富良野葡萄果汁工廠, 富良野葡萄酒工廠, 不過我地都無去loo...........離開芝士工房, 我地選擇去麓郷既麵包超人館~
富良野果酱&麵包超人店Takashi Yanase's Anpanman Shop |
5~10月:8:45~17:30 11~4月:9:00~17:00 |
富良野市東麓郷3號 |
TEL: 0167-29-2233 |
http://www.furanojam.com/ |
Map Code 550 803 242 |
一見到好可愛既麵包超人同朋友, 大人小朋友都好開心, 我地都即時變左細路仔呀~~ 哈哈~
一入去係充滿各式各樣既麵包超人公仔同玩具~
予晴..................?!?!
大家去到記得上二樓參觀..........掛左好多麵包超人同手稿係度, 超靚!!
大大粒既細菌小子......
好攪笑!! ^^
見到扭蛋機........應該大部份小朋友既反應都係一樣.........
結果就係咁 !!!
好可愛..........啱晒一家四口!!
麵包超人隔離係果酱工房.......
排左一系列唔同味既果酱任人試食, 可以搽麵包或魚仔餅...........
我地都試左好多款唔同味既, 點知見到予晴係同一個位企左好耐, 叫佢試其他佢都唔斤郁......問佢點解........原來佢食左紅蘿蔔味果酱, 覺得好好味, 就企左係個度不停食!!! 問佢食左咩味, 佢話紅蘿蔔, 同埋紅蘿蔔加蜜糖!!!! 哈哈哈哈~ 早知我買罐番黎俾你慢慢搽啦!!!
上二樓既木樓梯, 加埋溫暖既光線, 仲有兩位可愛既妹妹.............好靚呢~
二樓望落黎就係咁既樣喇~
我地跟住指示牌兜去麓郷展望台, 上到去既景觀好開揚, 唔錯架~
一樣既地方, 一樣既甫士 !!
亦由呢刻開始踏入呢個旅程既紫色薰依草世界~
甫士王出場~
離開富良野市, 係路途中又買左哈蜜瓜.........
係農園買既價錢平好多呢~
安全起見, 問定老闆, 佢話呢一兩日食得!!!
跟住就係我今日排左特登去既地方: 大橋櫻桃園
大橋櫻桃園 ( 大橋さくらんぼ園) |
http://www.oh-cherry.com/foreign/zh_tw/zh_tw.html |
北海道蘆別市上蘆別町469番地, 079-1371 |
Tel: 0124-23-0654 |
Map code 450-518-755*03 |
三粒奇怪既車梨子 !!
我地係香港摘士多啤梨就摘得多.......所以黎到好想試吓係樹上即摘即食車梨子!!!! 除左即摘即食, 仲可以摘走........貴爸沒有太大興趣, 咁我就帶埋兩位小姐勇闖櫻桃園啦~~
一大片櫻桃園開滿晒一顆顆圓圓既車梨子.............D樹唔高, 而且有用繩將D樹枝拉落黎, 小朋友都可以大飽口福呀!!!
佢有幾個唔同既品種, 我就鍾意深紅色個隻, 好甜好好食呀~
佢周圍都放左D木梯.........高少少都無問題~
三張嘴巴不停食食食, 就不停 po po po (核).......超飽!!!
我地最後仲無聊到表演一口可以吐幾多粒核!!!! (哈哈哈哈~ 救命~! )
好喜歡呢張, 好可愛 Haaa haaa~
因為爸爸無入去....臨走時兩個小妹妹仲摘左幾粒同爸爸分享!! ^^
係富良野除左睇花之外另一好選擇呀~~
櫻桃吃到飽之後, 我地就去向花田進發喇~
先係彩香之里........人少少, 好寧靜好靚!!
彩香之里(ラベンダー園 彩香の里) |
中富良野町西1線北12号 |
TEL:0167-44-2855 |
http://www.h3.dion.ne.jp/~saika/ |
Map code 349 244 476 |
7月北海道, 就係周圍都睇到呢D咁靚既彩色花田~
中午時份太陽好猛.............兩個小朋友唔不願行, 得我一個人行去田中間影相咋 >___<
跟住係附近既富田農場........兩個地方好近, 但人流差別超大!!!!
富田農場(ファーム富田) |
中富良野町北星 |
TEL: 0167-39-3939 |
http://www.farm-tomita.co.jp/ |
Map code: 349-276-801 |
富田農場地方好大, 因為係好多旅遊公司必去既景點, 去到已見到好幾架大旅遊巴泊左係度喇~ 超多人的, 好熱鬧...............
見到呢個大大哈蜜瓜就係架喇~
我地當然要入鄉隨俗, 食呢度出名既哈蜜瓜雪糕啦~
呢位小姐嘆到呢~~
佢有個位賣粟米, 唔講少, 真的真的超好食!!!!
呢個小姐食粟米食到甩左隻牙!!!!
行上去睇吓花田............
不過周圍都好多遊客呀!
差不多離開, 兩個又忍唔住要食薰依草雪糕 !! 你兩個咩肚黎架 ?!? 不過我地覺得麻麻地, 香味太濃好似潔手液呀~~~
呢個位唔錯呢~
好啦! 走喇走喇~
我地今晚book 左民宿 Mr. Gnu...........佢既晚飯時間係6:30 左右, 所以我地大概四點幾就離開富田, 預D時間去美瑛同早少少到 Mr. Gnu~
Mr. Gnu |
北海道空知郡上富良野町西12線北35号2224-46 |
TEL:0167-456-662 |
MAP CODE:349-697-780 |
房價已包含早餐/晚餐 |
免費停車, 15:00/10:00前 |
Mr. Gnu 係一片草原上面, 隔離係黃色既民宿 KEN. 跟住提供既 Map Code 行, 但差不多到達時就要留意路邊 Mr. Gnu 既指示牌同路口.........如果只跟 GPS 係兜唔到去入口既 !!
呢間就係喇~
入去見到一窒明亮飯廳, 感覺好舒服! Mr. Gnu 帶我地參觀同交付食宿留意既野, 而 Mrs. Gnu 就準備晚餐...........
二樓既小露台....
風景好開揚架~
二樓既休息窒...
地下有個鞦韆.........
趁早其他住客未黎, 我拿拿聲的兩個小朋友沖好晒涼...........跟住就可以舒舒服服咁食晚飯~
Mr. Gnu 見我地影相, 主動幫我地影全家幅呀 ^^
舒服既環境 + 輕鬆既心情 + 新鮮既食材 , 讚呀~!
記住, 飲品自備呀 ! 咪講少, 飲杯先啦~
兩個小鬼係Mrs. Gnu 準備晚餐既時候走去睇 (定攪攪震 ?! ), 佢地話 Mrs. Gnu 請佢地食左炸青豆 Haaaa Haaaa~
份量剛好........好飽!! 呢個燉奶做結美, 好好味呀~~~
食飽飯.........無聊一下.........!
晏D同Mr. Gnu 講話會放煙花........佢就幫我地準備左桶水............
就係門口放!!
放煙花真係好開心架! Hee Hee~
p.s.: 介紹吓房間..............
我地今既瞓既係 Tatami 房 - 大象房!! 無冷氣, 不過都唔須要冷氣, 因為夜晚好涼架~
床單枕袋自己鋪, 對我地黎講 easy job 啦~
地下同二樓都有梳洗既地方, 乾淨 ! 沿室另外在地下!
廁所分開.........
飛機控 ?!
仲有好多可愛既小裝飾~
留言列表