20媽媽小天地

由六月去完台北回來後一直忙過不停, 工作超忙, 每天都OT, 又要出差....工餘揍兩隻小鬼就更忙..........不過點忙都好, 呢件事點都要抽時間記一下.......就係樂程既畢業禮喇!!! 暑假都已過左一半, 而家先來寫, 真的有點兒那個!!! 

7月14日比華利幼稚園二十六屆畢業禮, 假沙田大會堂舉行....妹頭既大日子, 我同貴爸當然請假去支持啦! 我仲叫埋公公婆婆一齊去見證吓~  (而家既小孩子個個都係寶........回想我地以前, 那有咁大陣象呢!?)

在比華利四年了........樂程真的長大了不少!!  有苦有樂, 媽媽能夠陪伴一起成長, 真的很感動!

畢業禮下午三點幾開始, 我地一早去會場排隊, 希望坐到個有利位置! 不過一山還有一山高..........在我地之前已排左十幾二十人, 佢地真係好早呢!!  畢業禮差不多開始時, 會場已打了一個超大蛇餅, 仲排到出去門外要曬太陽@@

我地坐係中間位置, very very good !!

今年一開始, 請左普通話同廣東話朗誦比賽既小朋友上台表演, 又請講故事比賽得妝獎既小朋友表演, 俾大家多d機會上台面對觀眾呢~~

見到樂程嗎 ? 後排右三......

泓毅是公開講故事冠軍, 很利害呢~

跟住就係同往年一樣, 校長校監同來賓致訓詞......

畢業生代表用廣東話, 英文, 同普通話三語致詞............每年見到呢幕我都覺得好讚嘆, 五,六歲人仔可以用三語記到咁多台詞, 還很流利, 真的很利害!! 大大力鼓掌呀~~ 

齊唱畢業歌..........

聽了很感動的畢業歌............1分18秒先見到樂程呀~

跟住頒發畢業證書......Charlotte Hui, 許樂程....

畢業生致送紀念品......

接住當然是很受歡迎既各級小朋友表演了! 

我朝早就是幫呢班 BB 化妝, 超可愛呀~

終於到我地高班哥哥姐姐 show time~~

最後, 係父/母親上台送小禮物比畢業小朋友, 呢刻係台上見証佢地畢業, 感覺很大個女, 實在感動!! 

樂程, 幼稚園既完結, 只係人生一個很少很少既里程碑, 我地仲有好長既一段路要一起行!! 小學生涯雖然會好忙, 好艱辛......但唔駛怕, 有爸爸媽媽陪你一齊行, 一起去面對, 小學將會是多姿多彩既學習階段!!! 我地一齊加油吧~~

好朋友們, 大家一起加油呀~

媽媽做了人生第一個送花給你的人, 希望你喜歡啦~~