20媽媽小天地

樂程, 大個女了..............呢d相會成為媽媽日後的回憶嗎?! 

這個微笑.........顯得小妮子很可愛......

樂程係香港兒童音樂劇團上左半年有多.....之前六月既<豬仔樂園>只係俾家長圍內欣賞小演員既表演, 今次八月既周年滙演 <王司馬與牛仔音樂劇  -  飛行棋>,  可說是樂程既第一次公演, 規模大好多, 製作亦非常認真!!

由六月去完台北回來後一直忙過不停, 工作超忙, 每天都OT, 又要出差....工餘揍兩隻小鬼就更忙..........不過點忙都好, 呢件事點都要抽時間記一下.......就係樂程既畢業禮喇!!! 暑假都已過左一半, 而家先來寫, 真的有點兒那個!!! 

7月14日比華利幼稚園二十六屆畢業禮, 假沙田大會堂舉行....妹頭既大日子, 我同貴爸當然請假去支持啦! 我仲叫埋公公婆婆一齊去見證吓~  (而家既小孩子個個都係寶........回想我地以前, 那有咁大陣象呢!?)

妹頭上左drama一段時間，上星期五係第一次既舞台表演呀!

5月12日, 學校定了這天去Disneyland做畢業旅行, 小朋友可與米奇老鼠影畢業相, 跟住玩一天!

之前一連落了個多星期既雨, 而且唔係毛毛雨, 而係超大既紅雨!   我地家長們都好擔心究竟點樣去玩….因為錢已俾, 落雨都會如期舉行呀!! 不過, 天父有聽我們祈禱…..前一晚還是行雷閃電, 朝早起身竟然放晴了!!! 呢日超好天的, 仲要陽光普照!! 很開心呀~ 

1 May 2014 - 西貢及觀塘區幼兒朗讀比賽, 我們又有份參與了~

地點在將軍澳的王余家潔小學, 上年妹頭參與的是廣東話朗讀, 今年是普通話.......

上個星期六 3月15日, 比華利中英文幼稚園舉行左一年一度既小小運動會, 同上年一樣, 借左基德小學既大禮堂黎進行.....

尋晚係 JMC book 3 既最後一堂，當然又是逐個出來表演既時候........我平日晚都時不時有同妹頭練，所以對佢今次既表演都有信心!

每個小朋友要出來面對觀眾單獨彈奏，個個都顯得有D緊張.......,不過我覺得佢地個個都好叻好可愛!!

尋日係寶康公園足球場有新春表演同攤位，叫妹頭上午快快做完功課，下晝趁予晴要瞓晏覺就帶佢出去玩吓!! 

我地三點半左右到……台上剛好有魔術表演,我地趁熱鬧又坐底睇一陣……

p.s.: 終於找了方法怎樣放youtube的影片於blog內!! Yeah~

呢個係 unicef 聯合國兒童基金會攪既活動「小畫家大夢想繪畫比賽」......

我地約埋幾位小姐一齊報名, 一來可以幫助人, 二來當聚吓郊遊吓!!  原來今次繪畫有題目的....主題: 為中國貧困地區的兒童送上一份春節禮物！  不過幾位小姐一於少理.....我鍾意畫咩就畫咩啦~~

12月31日......我趁公司有半天假, 下午我同貴爸就帶左妹頭去大埔燒烤皇隔離摘士多啤梨 !!  我地係觀塘食完lunch....搭74X 入大埔,再轉乘入大尾篤既20C 小巴, 係燒烤皇到落, 以郊區黎講, 呢度算快捷方便呀~

呢日唔多人, 好舒服的!!!

我地今年成12月11日先寄聖誕咭俾聖誕老人, 幸好佢都趕及係聖誕節前回到信....Hee Hee

每次都是叫妹頭自己設計自己畫.........

11月15日, 妹頭5歲生日了~  (而家先 post !!!!! 實在有點兒那個........ -_______-' !! )

因為11月去完旅行回來, 工作忙得要命, 都沒有特別慶祝, 只係諗住同小妮子切蛋糕開心吓~

12月7日 – 比華利幼稚園一年一度既學校旅行呀, 今次地點係元朗既音樂農莊.  我地9:15要到學校集合….妹頭叫極都唔起身, 我地差d遲到呀, 激c人!!!

呢日天氣超好, 有大太陽呀!!  鴨仔團上左旅遊巴, 老師帶小朋友一齊玩Bingo, 一個鐘左右既車程好快就到喇~~

搖搖欲墜了一個月…..今晚妹頭同阿妹火星撞地球後, 嘩, 甩左牙呀!!! 有少少血, 妹頭個刻有d驚, 不過安撫吓, 同佢用水浪口沖走d血, 就無事喇~

第一隻甩既係上排左邊大門牙!!  甩左牙既妹頭…..好傻好可愛!!!