上個星期六 3月15日, 比華利中英文幼稚園舉行左一年一度既小小運動會, 同上年一樣, 借左基德小學既大禮堂黎進行.....
予晴: 我都有份參加呀~~
今年妹頭屬於UK (高班) 既藍組, 我同貴爸都著番藍色既衫配合一下, 哈哈!
每班既壁佈, 超攪笑的!!!
妹頭呢個樣, 勁似佢堂家姐詠琳呀~~
係比賽開始次前, 由妹頭佢地呢班 UK 既姊姊為大家表演之前啦啦隊既熱舞, 佢地跳得開心, 我地在場大大小小既觀眾睇得仲開心 !!!
跳完舞就係全體既小朋友一齊做體操......呢套體操係小朋友返學都會一齊做既, 所以大家都識做, 睇見佢地只跟住老師一齊做, 真的好可愛!!
之後我地每組出黎叫喊自己既口號, 我地 UK藍組好響亮好齊呀!!!
跟住就係各個比賽項目........
UK 第一項係: 快樂小狗吃骨頭.......我地派出爸爸同樂程去參賽.......睇住兩父女玩, 真的超攪笑~~
第二個係: 松鼠合力運栗子....由我出馬 !!! 不過個松鼠頭飾好難帶, 帶帶吓又甩左要執番, 好狼狽 -______-"
沒有扎起頭髮, 好似顛婆一樣..........
第三個遊戲: 小兔齊來拔蘿蔔.............都係交番俾貴爸同樂程好了..........玩到甩頭甩髻, 好好笑~
以遊戲計分黎講, 我地係全場最低分!!! 幸好, 我地最尾得到個口號獎, 算安慰吓.....呢個應該是分豬肉吧, 哈哈哈哈!!! 不過, 比賽總有輸贏, 無緊要, 志在參與啦~
今次運動會完滿成功呀!! 一個三個小時既運動會........有色彩繽紛既展板, 好多唔同遊戲所用到既道具, 老師們係背後真係唔知要花幾多時間同心血呀, 辛苦晒呢~
留言列表