20媽媽小天地

趁清明節兩日假期, 難得不用上跳舞, 話劇, 小童軍, 我地一家四口去左番禺長隆玩………因為上星期先去旅行社book package, 所有普通房都沒有了, 只有貴價d既野趣房, 連永東去番禺既直通巴都無晒位, 只好加錢改搭船, 清明假期的大馬戲票假又貴d…….呢度加吓,個度加下, 最後package變左好貴, 有一刻我真的希望酒店full house沒有房, 退錢給我地取消行程算了!! 不過, 最後當然是有房, 亦開始了我們的貴假長隆之旅~

11點既船, 我地買定野食係船度午餐, 兩位小姐係船度走來走, 好快1點就到順德港! 搭船雖然貴d, 不過好處就係有位俾佢兩個走動, 舒服得黎時間好快過. 如果換左搭巴士, 因為予晴唔需要買位, 我地三母女迫兩個位, 車程三個鐘, 相信佢兩個會好辛苦, 扭晒計之餘我都會噴火!! 所以, 搭船真的是不錯既選擇! 出左關門口就有酒店既車等我地, 車程約半小時, 好快到酒店.

清明係國內連放三日假, 係”小黃金周”, 所以長隆都有好多國內遊客……我地check in取房先放底行李, 野趣房, 好大好正呢!

一入房見到好可愛既小小鳥~

攞左簡單背包, 我地先去歡樂世界玩……..

我地都係玩d小朋友既機動遊戲, 兩位小姐好開心的! 最攪笑係好多機動遊戲最少要90cm高先可以玩…….次次予晴都俾人捉去度高,著埋鞋睇落去其實都未到絛線的……不過哥哥姐姐mau底望時就剛剛好, 勉強可以俾佢玩!! 哈哈哈, 高妹都有好處呢~

可以全家人一齊玩機動遊戲真係好開心架~

當然唔少得我地至愛既旋轉木馬啦~

予晴你呢個係咩表情呢?!?

歡樂世界都有好多啱佢地年紀既機動遊戲, 幾好架~

呢個飛機好好玩架, 大推呀!!

仲有個室內既遊戲室, 啱比較細個D既小朋友.....

玩到6點幾, 我地簡單食d粉麵, 7點多就走去睇大馬戲! 我地7點半左右去到, 酒店專區已無晒合位, 我地只好坐高d既位置! 而家大馬戲已經無分成人同小孩位, 即使是一,兩歲既BB, 一律入場要用成人價錢, 很貴呢!!

我地坐定定等開場……..妹頭呢個時候突然流鼻血, 仲要係大滴大滴咁滴出黎, 好嚇人的……..我同佢按鼻止血都止左好耐, 不過都無影響妹頭睇馬戲! 反而燈光音響令到予晴好驚, 自己另轉臉唔敢睇, 攬到我地實一實! 大馬戲雖然貴, 不過真的很好睇, 表演很驚險呀, 搵命搏呢~

一路睇一路止血既妹頭......

睇完馬戲,返酒店都差不多10點, 沖涼瞓覺………不過咁靚靚既浴缸, 點可以唔玩水?! 開左盤水俾佢兩個玩, 睇住佢兩隻白白豬嘻嘻哈哈的, 超開心呀~