20媽媽小天地

8月6日, 兩歲幾人仔既予晴開學喇~~

這段時間真的忙都顛左........予晴開學, 樂程綵排話劇準備表演, 嫲嫲去了旅行, 我公司又是忙忙忙, 又要準備八月底的旅行!!!!!! 我既人生就是不停的趕..趕..趕........

予晴第一日返學, 我又隆重其事既請了半天假去送返學同接放學! 廿四孝媽媽呀~~ 

穿上校服既予晴, 超級可愛!!!    

Cute baby, 好想不停攬住來錫呀, 哈哈哈哈~

呢個妹妹很攪笑的!!!  佢滿心期待返學, 拖住媽媽很開心的入學校.............入到課室都無野的!! 不過一個小時之後我去接放學, 只見到整個課室都充滿哭聲, 個個都在放聲大哭, 予晴都不例外!!!!  雖然很可憐, 但媽媽看在眼裡實在覺得很攪笑!! 呢班 BB 太可愛了~~

予晴出來還是哭個不停, 我抱住佢佢攬到很緊.....完全唔肯放手唔肯落地!!  我安撫下來後, 我問佢: "返學咁開心, 你點解喊呀 ?" 佢鳴鳴地話:"我頭先見唔到媽咪! 我喊!!" 跟住又嗚嗚的哭起來............不過予晴, sorry 媽媽依然想笑!! 

第二天, 朝早要穿運動衫.....予晴很抗拒了!! 要 tum佢先肯穿上校服.........行到中途佢已知唔對路, 要媽媽抱住唔肯落地, 去到校門口已開始喊喇 !!!!! Oh My God........送入課室又是一班哇哇大哭既 BB........

老師同嬸嬸真係忙個不停呀~

接放學時又是喊喊的小丸子 !!! poor baby~

予晴第二天晚上開始不停話佢唔想返學..............我又不停同佢講: "唔駛喊啦, 返學好開心呀, 又有玩具, 又有餅餅! 小朋友喊你要叫佢唔好喊呀~"

第三日, 雖然仍然喊住返學, 不過佢開始適應, 放學已經無喊喇!! 叻叻女呢~

我問佢: 你有無喊呀?

予晴: 無呀

媽媽: 咁有無其他小朋友喊呀?

予晴: 有呀

媽媽: 咁你有無叫佢唔好喊呀?

予晴: 無呀

哈哈哈哈.........好似"麥兜麥嘜"D 對話!!!

予晴只係用左三日時間去適應, 跟住返學都無再喊喇~ 即使加長至兩小時, 或去完旅行返來返學三小時都完全無問題, 好叻女呀!!! 予晴, 媽媽好喜歡拖住你既小手送返學, 望住你開開心心的入學校........希望一直可以如此啦!!!