20媽媽小天地

很久沒有去旅行, 心癢癢的…..但要二拖二, 予晴又細, 都唔敢去d遠既地方, 近近地決定去台灣!! 台北之前去過, 今次去台中, 一心想帶妹頭去清境玩羊咩咩…..

我地係Easter去, 早係一月尾二月頭 check 機票時竟然已經無晒機位!!!  吓!! 唔係呀麻!!!    個刻個心好慌….  最後同貴爸係專業旅運到 book左package, 29/3號出發, 6日5夜, 因為台中少機位, 我地只可以搭夜晚 7點幾既機…..去到晚黑小朋友都要瞓喇, 不過無辦法啦, 定左機票酒店, 個人都定d, 可以開始搵資料.

因為帶住兩個小朋友, 我必須要事前準備晒行程資料, 玩先玩得安心….

左搵右搵, 因為有B, 我地唔會趕…大致行程: 兩日清境玩羊, 一日日月潭加集集, 一日半台中市中心

其實仲有d地方值得去, 但因為台中d景點太散, 每去一個地方都要用上好多時間係交通工具上, 即使包車都下下要個幾鐘, 我地時間又唔多, 所以都係重點遊算喇, 寧願小朋友玩得輕鬆d, 舒服d!

以下呢d網址好有用, 分享呀~~

背包客棧, http://www.backpackers.com.tw/forum/forumdisplay.php?f=10

玩台中, http://www.playtc.com.tw/

南投客運, http://www.ntbus.com.tw/index.htm

台灣好行: http://www.taiwantrip.com.tw/Besttour/

過兩日出發喇, 我好期待呀!!  返來再寫我既遊記, 希望跟到行程啦~~

仲有仲有, 希望送我好天氣呀!!!