上網 book 左整蛋糕班.....大頭蝦後來先知原來呢日係元宵節 !! Book 左就照去啦....點知貴爸之後兩日都要飛不在港, 咁....呢個情人節蛋糕咪無情人同我分享 ?! 所以呢晚九點上完蛋糕班就拿拿聲返屋企, 趁妹頭未瞓都仲有少少時間一齊開心食蛋糕~~
今次蛋糕叫天使之翼.....之前睇名都唔知係咩蛋糕, 原來係涷餅朱古力慕士.....
先用麥維他餅碎做餅底....
跟住打起忌廉~
加入熱融魚膠同朱古力醬做成朱古力慕士....放入半圓形模, 中間加了士多啤梨果凍..
當我地雪好餅底準備取出加係朱古力慕士底時....意外發生了 !!! 我一托起底模唔小心整片餅底飛了出街.....粉碎了!!!! OH!! MY GOD!!!
點辦? 阿sir 唯有即時再熱融牛油再做個個餅底....又要再雪硬, 比其他人多花了很多時間.....
幸好最後加係慕士底部成功, 又因為雪得夠, 慕士表面很滑溜的樣子....
最後淋上朱古力醬.....
叩 cream 做裝飾再加對翼仔就大功告成~~ YEAH !!!
幸好趕及同我既大, 小情人一齊分享 !! 呢個蛋糕唔會好甜, 好味呀~!
希望時時都咁 sweet~~
全站熱搜