20媽媽小天地

秋涼既天氣, 成日都好想趁 weekend 可以出外走走, 呼吸吓D新鮮空氣 !! 上星期日見天色不太差....就約埋黃爸黃媽同心怡表姐一齊貢去大埔海濱公園行吓~

自從嫁左人生左小朋友...各有各忙, 很少機會可以同爸爸媽媽有個相處既時刻 !! 飲茶食飯既時間好多, 但美妙既共處時刻就真的很少 !! 爸爸媽媽都老喇, 真的要珍惜每個與佢地共處既時光~~

原先諗住消磨大半天, 可惜呢日天公不造美呀......我地玩左一陣間就開始落起毛毛雨黎......我地成個公園都未行完, 唯有留番下次有機會再去啦 !!

我地帶左係北京買既小小風箏去放......不過我玩黎玩去都飛唔起, 反而黃爸同貴爸慢慢捉到方法令佢少少起飛 !! 我地呢隻風箏仔係 BB 級, 同人地個D定專家級真係蚊脾同牛脾呀 !!

心怡表姐, 跑呀~~~

黃爸爸回復了青春....哈哈哈~

我很喜歡爸爸很有活力的樣子 !!

落毛毛雨, 我地只好搵地方避吓~

呢個表姐好喜歡做大家姐, 拖住表妹周圍走~~

好耐無同黃爸黃媽影相喇, 成日都想同佢地影D靚相留念~

開心笑, 張相就自己靚靚啦~~

我好喜歡呢個組合....兩老加兩寶 !!

古靈精怪的兩個小妹 !!

我的餵食妹頭~

唔....行邊度呢?!  (呢幅相感覺好似電波少女....好得意 !! )