20媽媽小天地

剛個星期日帶左妹頭去玩呢個充氣嘉年華....地點係機場博覽館.......先同妹頭係機場食完 lunch, 先再轉車入會場 !!!

貢左好耐車, 如果好玩都抵 !! 可惜唔係囉~~

會場分左一個個既充氣 game.....只有約 4 個係啱我地 1-3歲既小朋友, 不過每個 game 都有條長長既人龍.......原來每次只放 8-10 個小朋友入內, 淨係排隊每次都起碼排半個鐘以上.....但每次只係玩 5 分鐘度 !! 咁都唔緊要......問題係妹頭唔鍾意玩呢類 game....個個小朋友都周圍走彈得好開心, 但妹頭就係唔鍾意呢種企都企唔穩既感覺.....真係估佢唔到!

原先諗住買任玩套票......好彩係會場行個圈後決定只買兩個金幣玩吓......叫做試過啦~~

一開始玩呢個 game....

玩完幾分鐘又要再排第二個.........不過入去彈左兩彈就喊住話要走喇~~

拖鞋+襪, 很大陸的配搭.......爸爸忍唔住要影低 Haaaahaaaa~