20媽媽小天地

妹頭係學校參加了一人一花既活動, 今年既植物係大岩桐. 2011年1月3日, 參加既小朋友每人都拎左棵大岩桐返屋企.....

 <--1月3日第一日回家, 超 "un"既小葉子......

計劃到3月尾就會交番俾學校, 睇吓種得好唔好, 有最燦爛花卉獎同最佳造型獎!! 最尾植物亦會送去老人院陪吓D老人家~

有三個月時間, 原先都諗住可以種得好靚, 好期待佢開花既日子......可惜今個冬天太涷喇........遲遲都係得個兩三片葉仔......真係無頭緒唔知要點做 !!

2011年2月7日.....係有多到葉仔, 不過都仲係超 "un" 細.....

踏入三月, 天氣無咁涷, 葉都開始長大........學人剪左D側牙, 等D主葉可以長大D !! 上個禮拜, 要交番俾學校, 可惜只有4片大葉加D細葉仔, 點參加比賽呀 ?!  我自己都好想睇住佢開花, 把心一橫, 算啦, 唔交番去學校喇, 留係屋企等我地照顧啦~~

2011年3月23日.....D葉大左好多呀 !!

皇天不負有心人 (有無誇張左D ?!?), 呢兩日, 我見到有兩個小花 lum 標左出黎 !! WOW~~ 好開心呀!! 見到佢成長好感動呀~~

真係好想快d睇到開花呀~~

2011年4月4日.......今晚影架, 你有見到小花 lum嗎 ?! Heee...Heee...