《哈利波特–死神的聖物1》－20媽媽小天地

嘩, 幾耐無入過戲院 !! 有左小朋友後, 我地平日返工, 禮拜六,日都會全日照顧妹頭, 入戲劇睇戲簡直就係一個奢侈品 !!

剛個星期二, 我同貴爸爸都攞左假, 原先係陪妹頭返下午真善美既 playgroup, 不過最尾都係決定唔返, 俾妹頭休息吓.......變相我地多左個悠閒既下午 !! 《哈利波特–死神的聖物1》, 上左咁耐都無時間去睇, 難得只有我倆, 決定買飛入場.......

一年上一套, 上集既內容講到邊我都已經完全唔記得, 不過一直有睇開, 而家又到最尾兩集, 好似睇晒先可以有個完滿 !! 不過, 呢集真的拖得太長, 係咪真係有需要分上,下集呢?!? 呢集飛黎飛去, 片段又好散, 一時講吓呢度, 一時講吓個度, 又有好多令人摸不著頭腦既地方.......真係.......想點啊 ?!!?