close
好可憐啊, 我地兩母女同時都在生飛滋, 同樣有兩粒在左邊下唇, 又會咁橋 ?!? 
不過我唔怕, 我係好容易生飛滋既人, 雖然痛, 不過OK頂得順 !! 妹頭就慘喇........佢"無經驗", 好痛呀, 掂到都痛到瓜瓜叫 !! 我尋晚煮肉醬意粉落多D番茄等佢有多D維他命C….點知佢一放入口酸到個飛滋即刻喊左出黎, 食唔到, 只可以抱住我嗚嗚咁喊 !! 噢, 好可憐呀 !! 妹頭, 媽媽都知你痛呀, 不過無辦法呢 !! 好彩有D無醬既意粉, 妹頭食得到….如果唔係都唔知算 !!
<--掂左一啖就唔再食喇....
今晚趁佢瞓著左同佢噴左西瓜霜, 希望過兩日快D好啦 !!
妹頭, 大家都話你越來越似媽媽, 你唔好連呢樣都似我好無?!? 無好處呀 !!
全站熱搜
留言列表
飲飲食食 (2)