close
今日妹頭22個月喇~~
上次的水上 party 見番很多同期既小朋友, 妹頭屬於高頭大碼型, 都有同佢差不多高大的, 不過係男孩子喎 !!! 另外, 比較之下, 妹頭是一個真真正正的大頭妹 !!! 哈哈哈 !!!
如廁訓練很理想, 妹頭肯主動提出疴 shu shu, 雖然仍有一,兩次失手 (掛住玩, 無出聲), 不過我覺得很 OK ! 而家日頭只穿底褲仔, 瞓覺先著片 ! 其實下晝瞓晏覺妹頭條片都係乾, 佢可以瞓醒先疴, 唔會賴係片度, 不過要沖破呢個心理障礙唔著片瞓覺有d難, 我要慢慢調較吓.....
shu shu 中....一臉認真既樣子 !!
夜晚瞓覺前可以的話會疴左 shu shu 先瞓, 如果唔係佢係床碌一陣又話要起身疴, 條尿片包完又包 !! 不過雖然疴左, 我發現佢瞓覺初段頭幾個鐘都會再疴...如果半夜醒左我同佢換左片就通常天光起身條片都可以係乾既 !! 熟睡左唔想叫醒佢疴, 妹頭亦都唔會理我 (係我都唔制啦) !! 唔....應該點做呢 ? 係咪遲 D 佢大個D 就可以控制到呢 ? 大家有無經驗可教吓我 ?
yumi yumi.....
我靚唔靚呀 ??
早幾日落左幾日雨, 同妹頭落街....佢做左個我地細個好鐘意做既動作, 就係踩水氹喇 !! 佢專登走去踩, 雖然不太衛生, 不過我地無特別阻止佢....因為我細個都覺得踩水氹好好玩啊 !! 玩左一陣我先同佢講第時媽咪買水鞋先踩水氹好無 ? 妹頭乖乖的 "好" 跟我走 !! 見到佢踩水氹...好似睇番自己細個咁....好得意 !! 其實我地細個都係咁樣大架 !! 而家家長都好保護小朋友 (包括我自己啊~~), 怕佢淋到雨, 怕佢玩水污糟, 怕佢整濕身, 大家又會唔會咁樣俾佢玩呢 ?
鴨BB 跟住鴨媽媽.........
我跟書扭俾妹頭既小狗.....
呢個時候既小朋友最鐘意學大人....食飯飲湯又話媽咪唔駛扶(個碗), 爸爸同佢沖涼又叫爸爸出去, 唔駛係度. 不過我地又點放心呢 !! 另外妹頭除左之前要著我地d衫, 而家又鐘意著媽媽對鞋行到 kok kok 聲 (相信係好多女孩子既喜好 !! 哈哈 !!). 尋晚我係床撓腳, 佢望吓望吓我, 又學我撓腳, 好攪笑 !!! 大家都話呢個時間既小朋友最好玩, 真係要好好珍惜呢~~
全站熱搜
留言列表
飲飲食食 (2)