一個月一個月咁過, 真係話咁快呀 !! 今日已經踏入第十九個月喇~~
呢個月妹頭最明顯既進步, 就係出聲痾 poo poo 喇 !! 而家通常瞓醒都成功係potty 度痾 shu shu...加上爺爺嫲嫲每日都同佢訓練, 日頭好多時都成功兜到 !! 當然仲有好多時候係講話痾 poo poo 同時已經忍唔住痾在係尿片度或地下......不過都覺得好有進步呢 !! 我想問吓媽媽們, 外出時點樣同bb去 poo poo 呢 ? 係咪要抱住佢? 我仲未試過呀.......
希望妹頭慢慢習慣...如果今個夏天可以成功戒片就好喇 !! 咁就唔駛焗住尿片咁唔舒服啦~~
另外, 妹頭知道自己叫許樂程, 又知道爸爸媽咪個名.....佢初頭都肯講...不過而家知道我影緊佢就整古我, 唔肯認真講loo !! 我覺得佢記憶力很好呀, 我地同佢唱過既歌, 唱多幾次佢已經識當中一d音, 或者跟住唱.....有時聽到佢自己唱得好開心真係好攪笑 !!
不過, 雖然佢講野叻, 顏色配對方面我覺得佢差d......可能平時玩得少, 我覺佢對顏色的概念不大, 同佢玩積木配對顏色都唔係好有興趣 !!! 等我同佢試多d睇吓會唔會有進步先....最緊要唔好係色盲啊 !!! (貴爸爸話齋: 媽媽永遠有一百個擔心 ! )
長大了既妹頭, 開始進入"Trouble Two" 既階段....好多野都鍾意自己黎......食飯要自己"筆", 湯又要自己"筆", 擦牙要自己攞 (佢係擺係口度, 無擦到 !! 又掛住玩水....), 飲水要自己攞住水杯, 開門要自己攞鎖匙 (不過等佢開真係天都黑...), 總知咩都要"自己黎" 啦 !!! 又因為大個女, 開始咩都要幫手.....媽咪落米煲飯佢要睇吓...爸爸掛衫或收衫佢又要幫手....走上床要幫手摺被....當然都會越幫越忙...不過可以話我都會由得佢, 俾佢玩吓 !! 我又會時不時俾d選擇佢.....等佢覺得有選擇權, 滿足吓 Trouble Two 鍾意"話是"既心理. 暫時都 OK....唔知遲D會唔會好難攪呢 ?
我地既屋苑有好多 BB /小朋友, 真係唔知點解可以咁多.....唔通住呢度旺D ?!? 妹頭特別鍾意BB....可能咁樣顯示佢大個女掛......每逢見到小BB佢都好開心咁走過去叫人地BB....摸吓人隻手仔腳仔, 好有趣 !!! 諗諗吓, 佢唔止對bb有興趣, 佢對d小哥哥姐姐都有興趣.....會走去指吓人地衫上既公仔, 要同人攬攬....有次仲追住個哥哥, 不過哥哥唔 show 佢呢 !! 妹頭, 你會唔會太過熱情左D 呢 ? 嚇親人喇~~
全站熱搜
留言列表
飲飲食食 (2)