20媽媽小天地

由BB長大到小朋友, 會漸漸對陌生人產生抗拒...好似妹頭咁, 以前細個唔識, 個個都可以同佢玩., 又肯跟人, 話拖就拖...同個個都可以好 friend !! 不過而家大個左就唔同喇.....同熟悉既家人佢可以好放鬆, 好有安全感咁玩...不過若見到陌生臉孔或者好耐無見既人, 佢就會即刻靜落黎, 處於戒備狀態, 一唔 alright 就會即喊......

就好似尋晚貴爸爸既好朋友 Winky 哥哥黎探佢.....Winky 哥哥一入門口, 妹頭即刻停止手上既活動, 眼定定咁望住呢個哥哥....可能心係度盤算...呢個咩人無拿拿入黎我屋企 ?!?! 當妹頭同Winky 哥哥四目交投一會後....Winky 一出聲, 妹頭即哇哇放聲大哭.......場面其實.........好攪笑 !!!

我記得以前有睇過處理類似場面既方法.....試吓 work 唔 work !! 我先攬攬妹頭等佢有番安全感.....然後再話俾佢知呢個哥哥係爸爸既好朋友, 有左聯系, 佢就可以慢慢對呢個陌生人產生信任.....再陪住佢慢慢 warm up 吓....佢就可以好放心咁同 Winky 玩喇 !!

今次很成功, 妹頭好快就可以同 Winky 做好朋友, 仲肯割愛分享佢既食物.....當然 Winky 較好樣都係佢減少戒心之一個原因.....如果黑蚊蚊鬍鬚滿臉, 咁媽咪就可能要再落多d功夫喇.........哈哈哈 !!

你睇佢地幾 friend...!!