濕疹的煩惱－20媽媽小天地

有兩個星期無 update 了......公司真的忙到癲, 放工夜左, 有時仲帶埋D野返屋企做....壓力好大呀, 有時真的覺得好辛苦!!! 究竟點樣可以工作同家庭互相平衡呢??

呢牌唔知點解妹頭既濕疹又番發.....兩個臉蛋都充滿紅色的粒粒, 再睇醫生搽藥膏都唔好 (上次幾日就好好多....), 皮膚又紅又乾又粗糙, 都唔知點算, 睇見都心痛呀 !! 阿媽話唔好搽咁多藥膏.....用土法金銀花+菊花煲水再敷臉, 但兩日都無好轉, 仲要係好乾.....我估妹頭都好唔舒服, 因為皮膚乾令佢好痕, 成日捽臉.....而家只好再用醫生既藥膏等佢好D再睇吓點.....