今早真的好想大嗌 "終於星期五了!!!!!!!!!!!!!!!!!"
放左兩個幾月, 呢個星期終於要回復返工既日子.......每天就像打仗一樣的趕趕趕.........天未光要起身餵妹頭, 返工前趕 pump 奶.......返工第一日, 人都未回魂已忙到爆炸.......食晏趕頭趕命好似將D飯直接倒落肚一樣........食完晏拿拿林趕 pump 奶........pump完又趕開工........放工又趕返屋企餵奶 !!!! 瞓唔夠幾個鐘天又光, 又再開始一個循環.........
幾日 crazy 過後, 身心都筋竭力疲!!! 每日都超 tired, 眼瞓得要死!!! 而家長期與熊貓為伴.......每朝返工前都必須執一執個樣, 如果唔係我真的唔敢出門口, 恐怕別人以為我是白粉婆.........!!
大家都話返工會好唔捨得BB 或好掛住BB........我又唔係好覺, 因為在公司真的太忙, 都沒有時間去諗咁多!! 反而因為返工, 妹頭的作息時間穩定了很多, 我可預計大慨咩鐘數食奶, 總算是配合得幾好!! 而且身為奶農, 產量反而比之前好左.......真是意料之外~~
違一覺得可惜的係少了時間看著妹頭既成長, 這個星期與之前已很不同........妹頭識有意識的笑.......識嘴郁郁想回應想講野.......識食手指.........媽媽真的好想陪伴妹頭一起成長啊~~
嘴郁郁
要笑笑
發梗好夢
食手指
今晚幫妹頭帶左頂帽, 好似老伯伯, 好攪笑 !!
全站熱搜
留言列表