20媽媽小天地

星期日 08年1月27日, 吉 

黃家大B哥華仔終於和大嫂阿詩結婚了~~  婚禮好簡單的採用於酒樓里面律師証婚既儀式. 真的好多謝我地的畢律師!!  因為賓客遲遲都未坐好, 又多了來賓要加席數....婚禮延遲左好多.....但畢律師沒有怪責, 仲好耐心的等候, 非常好人!!

知道阿哥及阿嫂工作很忙, 沒有太多時間籌備, 而且有好多野唔知.....我呢個有"結婚經驗"既阿妹梗係要幫手啦 !!  搵車啦, 睇場啦, 搵律師啦, 奶奶試衫, 配歌啦......雖然當中有點勞氣, 又很忙碌, 不過無計啦.......因為阿哥我只得一個, 今世係好有緣份先做到兄妹既, 盡我能力做到最好吧 !!! 

p.s.: 真大意, 沒有用傻瓜機影低阿哥阿嫂的婚照..........

MC....最後由黃氏姊妹花擔任 (即我同細妹) !!!  因為我兩都好忙，事前完全沒有預備, 好彩大家爆肚都有一手,睇現場氣氛, 都應該不太差吧 !!

整個婚禮除左阿哥兩公婆, 相信最搶鏡都係心怡了~~  穿左紅當當既裙, 又幫佢化左少少妝, 又同D哥哥姐姐跳舞, 好攪笑!!

之前華因為份工好忙,好少時間返屋企, 而我又外嫁了........大家見面少左好多, 即使返屋企都無咩點傾計! 不過因為呢個婚禮, 大家溝通多左, 關係就親蜜左好多 loo..... 好開心呢~~ 

華B, 阿詩, 我衷心祝福您地相親相愛, 開開心心 !!!