影畢業相的季節－20媽媽小天地

10月,11月, 天氣涼涼地, 又係一眾畢業生興致勃勃回校影畢業相既季節~~

剛個星期日，欣怡約左我同伽佑到 Poly 同佢影畢業相, 天氣好好，四周圍都 "充滿"住莘莘學子，好青春好開心呢!!　欣怡修既係 Finance & Account, 要好有恆心地半工讀去完成學位，相信很不容易吧!! 我衷心的恭禧妳　

同欣怡的感情很好 (emm....其實只是我單方面認為.........希望欣怡你同意吧!! 不過，不同意都無辦法了!! 哈哈~~), 由我入 air cadets 時佢做仔, 到而家一齊於 203 做 officer，感覺很 close, 很合拍，可能大家都是大笑姑婆，不拘小節吧!! 還有數天，欣怡便會到紐西蘭流浪一年 (實為 work & travel), 我很欣賞佢能這麼灑脫地放下手上既一切，去實現自己既夢想, 這個人生經驗唔係人人都可以有或可以做到的......!! 祝福妳呢個旅程一切順利，若然回來時多個鬼佬男友會更好.....Haaaaaaaaa !!