熱血青年－20媽媽小天地

今晚約左貴老爺去做好事 -- 捐血. 我地都有定期捐血，又健康又可以幫到人 !!

自從 Mongkok 捐血站搬左上樓後 (以前 3 樓，而家 11 樓)，今晚係第一次到. 比起以前，地方大左好多，好四正，唔駛同人迫!! 可能放工時間仲早，我地唔駛點等就到 (如果係星期六/日，起碼等 1 個鐘!!)，捐完都係８點，Yeah~~啱晚間開飯 !! 因為有定期 Give Blood, 今次有好多小禮物，有鑰匙扣啦，掛飾啦，而最特別係今次送左 T-shirt, 同貴老爺一人一件"情侶裝".......不過 size 有點大 !!!