Thai Trip ~ 曼谷 Hea 之旅－20媽媽小天地

這個blog 寫了大半, window 竟然突然間 close 了......我真的想哭出來!! 本來打字已經很慢, 現在竟然要重打......流淚....

Thai trip 五天團, 19-23 May 早機去晚機返, 團友: 許氏 & 李氏兩夫婦. 我地請左三日假, 一心諗住趁五月沒淡季黎個平 trip, 點知...........泰國確實係香港人既第二個家, 無論咩月份, 咩季節, 周圍都聽到廣東話, 見到香港人.......好鬼親切..........因為時間緊迫, 我地之前無做咩準備, 好彩有 Thailandfans.com, 里面有好多資料, 又有 e-coupon, 好幫到手!! 之前個晚只係好簡單咁執左幾件衫, 第朝心口掛個勇字就出發了.........

Day 1 : Siam 市內 shopping

曼谷較香港慢一個鐘, 我地泰國時間12點就已到達酒店. 酒店: Siam @ Siam, 係好新既 Design hotel, 近 BTS 總站 National Stadium, 幾方便. 全酒店以橙 + 灰為主色, 好 raw 好有型格. 佢既 selling point 係 11樓既 Infinity pool, 露天泳池, 只有幾條原始木做裝飾, 池邊望出去便已是曼谷市中心, 好正 !!

Settle down 後晏晝沿 BTS 行到 Siam 站, 橫掃了幾間大既 shopping mall.....男士諗唔知道, 不過女士就好開心!!! Shopping wor, 我地本住睇啱就要買既心態, 第一日就已開齋!! Boots 啦, Wacoal 啦......Hoo..Hoo....諗起都開心!! 夜晚去左 Siam square 里一間泰菜館, 地方幾骨子, 食物都 OK !!

Day 2: Chatujak weekend market + Thai 按摩

人人都話翟道翟 market一定要去, 好多平野, 一星期只開2 日 (Sat & Sun), 我地梗唔執輸, 排左星期日去, 諗住可以行成日掃平貨. 翟道翟真的好大, 分左幾十個 section, 每個 section 排左密麻麻既細鋪頭.......由於天氣超焗熱, 並唔係我地所想既咁好行, 人都行到暈暈地, 真唔明 D人點解可以"捱到". 當我地停係間鋪睇衫時, Peter 發現佢既腰開左, 銀包唔見左 !!!! 唔係呀!!! 大家即時好緊張, 全諗唔到幾時開左腰 bag, 或係邊度唔見, 個人好迷茫......我地即刻返酒店, 懷住一絲希望 ....."希望漏係酒店", 最尾證實被偷了, 無法子只好即時停左信用咭, 搵酒店幫手報警.........Peter 當然唔開心, 不過好彩 super 電話同 passport 都仲係度, 又有買保險, 算係大幸!!

我地去左專幫遊客報案的 Tourist Police Office 辦手續, 才知道原來翟道翟的偷竊案常有發生, 都幾得人驚!! 攪掂所有手續, 就繼續我地既行程.....之前 Book 了做泰式按摩. The Orientist Spa, 位於 Central World 6 樓, 2 小時既 Thai Herbal Compress 約 850 baht, 香草球就有點太熱, 不過整體都幾舒服, 但貴老爺同李生李太都覺得按得太痛, 因 Peter 既按摩師遲黎, 最尾大家望住佢俾人"按", 好想大笑.......

Day 3: 酒店 Hea + 唐人街 + Suan Lum 夜市

食完早餐, 游下水, 曬下皮, 真的好 relax!! 晏晝走去唐人街食魚翅 - 海外天, 唔太貴, 都OK ga.

買埋林真香做手信.....就返酒店區附近一家出名食咖哩炒蟹既餐廳食飯. 呢間係朋友特別介紹的，我地點左咖哩炒蟹肉, 冬陰公.....等等, 無界紹錯，真的好惹味，不過冬陰公就太酸太刺激了.......

最後去左Suan Lum 夜市，雖然熱，但比起好似赤道既翟道翟就真的舒服多了......另外呢度既野又比較有特色，大家都有少許斬獲 !!

Day 4: 疏乎 Spa + 63樓 Sirocco

位於 BTS Thong Lo 的 Leyana Spa, 之前預約了有車接送，環境好寧靜好舒服. 因為有 40% discount, 我地選左有 Jacuzzi 浸既 package. 男士先做爆笑香草 steam --> 滑滑 Body wrap --> 浸Jacuzzi --> 舒服全身按摩．而女士就香香椰子磨沙 --> 舒服全身按摩 --> 浸Jacuzzi --> relax Facial. 全程３個多鐘，埋單每人約７佰幾港幣，雖然 out budget, 不過都幾抵!! 同埋真係好疏乎, 睡了zzzz..........

夜晚去左好出名既 Sirocco, 位於 State Tower 最高既 63樓，又係要之前 book 定, 仲要有 dress code.....呢度出名食夜景，居高臨下，望住燈火閃閃既曼谷市，真係靚到 dum 一聲!! 飲野同香港價錢差不多，不過食野就貴 loo....計埋每人都要5佰幾港紙......到左第４日，大家 $$ 都所剩無幾，夾埋都唔夠 $$ 埋單!! 好彩 KaPo 有帶 Visa card 係身, 不過肯定個 rate 好唔抵!! 算了，人一世物一世.....