20媽媽小天地

姊妹們話這篇要快些出街, OK, 就加把勁給你趕出來~~

話說我地每次出親 gathering 都一家大細活動, 而我地四位媽媽每次都忙於照顧小朋友, 一時要攪細小姐食野, 一時又要調解大小姐既糾紛.....總之就好困身, 想盡情傾吓計都難! 我地忽發奇想.........有無機會放底家庭, 來個媽媽之旅 ?!  原想計畫兩日一夜...........不過要爸爸們帶孩子兩天好像有點兒那個!!  佢地應該會晴天霹靂吧!!!      哈哈哈哈~ 

最後, 決定上星期日來個快閃澳門.......放下老公小朋友, 買船飛走出香港, 來一趟 bi li ba la 澳門之旅 !! 

我地約左朝早八點半係上環集合食早餐..........買左去程10:00 既船飛, 搭左 9:30 既船出發 !! 因為第二日要番工番學, 我地回程就買定7:30既飛, 8:30 左右可以回到尖沙咀中港城!!   四個媽媽, 好似小學生去旅行一樣, 好興奮 !! 哈哈~

很喜歡歐式建築, 很美~

澳門有咩好去 ?! 我地當然唔係去賭場啦!  趴趴走走, 食吓野都唔錯的!  落船後我地先搭的士去氹仔, 第一站: 葡韻住宅博物館........之前同屋企來澳門都真的未黎過呀! 

穿過一個小廣場, 種左好多唔同既花係度......好似有個小小花展咁, 好靚的~

小小的蓮花池~

好可愛的裝飾! 

小小的原始濕地, 同背後既繁華形成強烈對比呀.......

穿過小花園, 跟住就出現三棟粉綠色既building, 就係葡韻住宅博物館喇! 免費參觀的.....而其中一棟係"土生葡人之家", 都幾得意架!

很漂亮哩~

不知怎的令人想笑既一幅相.....Haa haa~

太陽高掛, 行完個個都已經成身大汗.........我地先去官也街莫義記食個榴槤雪糕, 飄來榴槤之香.....一個字"正"!! 打開個蓋得半杯......嫌佢太細杯, 唔夠喉呀!!  食完大家都仲 lam lam 脷!! 哈哈~

跟住就去大利來食豬扒包!! 中午一點左右, 最受歡迎既法飽豬扒飽已一早沽清喇!! 我地只有菠蘿豬扒飽同多士豬扒飽, 一樣美味呢!! 

位置在路邊....

加價了吧! 一個豬扒包要三十多玩 ! 

實話實說......豬扒真的很軟滑, 好味!

食完午餐, 我地搭巴士去澳門市.......去行吓二龍喉公園!!  我都係第一次聽到呢個公園咋~~  

呢個公園位於住宅區內, 可以搭架小小既纜車上山, 只須幾分鐘, 車費來回都係3蚊澳幣, 好抵搭哩!!

迷你纜車只可裝四人.....

公園環境幾舒服架....無諗過澳門都有d咁既地方呢~  

公園有一長排健身既設備, 香港通常都係得三, 四個...呢度係十幾廿個呀.....仲有俾小朋友玩的尺寸, 好好設施呀!!

呢個用來修腰啱晒~

 一二, 一二......

呢組係為小朋友而設的~

有條很短既軍用隧道, 很陰...........涼的!!

去到山頂既東望洋燈塔可以飽覽澳門既景色, 一讚呀~

六十年代的甫士 !!!!!!!! 又爆笑中!! 

離開公園, 去另一個有趣既地方..........以前的當鋪 !!

很有型的入場卷~

呢個就係以前掌鬼既位置喇~

老爺式夾萬......透過鐵絲網影, 很有偷窺既感覺 ! 

我地之後去左大三巴.........不過呢個地方已被淪陷, 周圍都係密麻麻既人, 破壞左原有既特色! 多人多到恐怖, 寸步難行.....我地都係拿拿聲走人喇~

唔想見到密麻麻既人潮, 只好將鏡頭調向天.....

我地放棄行上去大三巴牌坊, 影張到此一遊便算~

發掘其他.....橫巷有間開新開既Hello Kitty 餅店, 靚靚的!

仲有駐場歌手 Haa Haa 

另一邊有間長條脆筒雪糕.....(實情是我都唔知呢種雪糕叫咩名 )

當然又要試吓啦~

佢唔係滑滑既雪糕, 而係有d似沙冰.....麻麻地, 試過便算了~

五點幾, 我地搭車去媽閣.....諗住早d坐定定食媽閣長城燒烤, 點知晚市要六點先開, 因為我地要坐7:30既船, 時間太趕喇! 改去船屋葡國餐廳, 點知直頭收左鋪裝修!!!! 天呀~~~  不過, 來得澳門點會無野好食丫!! 我地塑性搭番車去氹仔誘誠昌食水蟹粥~~

大三巴同氹仔既鉅記間間都塞爆人.......而船屋餐廳附近呢間鉅記就無咩人, 好好行的!!

登..登..登...登....! 熱騰騰既誠昌水蟹粥~

其他小菜都好好味的! 

食完晚餐, 去到碼頭剛好等上船, 大家都走累了, 不過在船上嘴巴還是停不了的吱吱喳喳....我地四個靚媽過左超開心超滿足的一天呀!!