20媽媽小天地

早前留意到麥當勞舉辦既兒童愛心馬拉松...........早早去報左名, 一黎可以幫助人, 二黎係難得既親子馬拉松, 非常有意思呢!!

日期係 一月三十一日, 我地報既係親子組第二場, 即約兩點左右開跑, 全程圍繞馬場一周距離大概 2.2公里 !! 能夠同小朋友一齊跑馬拉松, 我自己都好興奮呢!! 

我地中午去到銅鑼灣馬場, 先攞大會物資同食個麥記午餐.....!

中午時段有個開跑儀式.........由麥當勞叔叔同佢d朋友主持, 仲邀請左容祖兒同大家一齊做熱身, 充滿活力呢~~ 

一齊做...........一二三四....二二三四.....

咁好玩既活動, 我地先合照先啦~

Kids, are you ready ~~?

陣容強大, 紅當當既一幅相 !!

當然唔少得我地既全家幅啦~! 

開跑儀式完左, 我地跟住就開始喇~

因為人多......開頭有點擠塞, 只可以一路向前"行".....

慢慢人散d,就可以跑喇!!  細細粒的予晴全程好努力地跑, 超可愛呀~

中途跌低左.....唔緊要呀, 爬番起身就可繼續架喇~

叻叻予晴無喊, 繼續 keep going~

兩個小朋友不得不讚一下, 雖然勊, 但一點都無放棄, 好努力咁完成賽事 !

就到喇~~ 就到喇~~

Yeah!!! 到終點喇~

乖女們, 人生就像馬拉松..........中途縱使有困難或挫折, 只要不放棄, 一定可以到終點的!! 爸媽可以的話, 定會陪伴你地一起向終點進發, 一起加油呀~!!!