20媽媽小天地

7月11-12日, 嶺南大學舉行校友日活動, 俾d舊校友回味吓以前既校園生活. 咁啱暑假, 我地當然報名黎個兩日一夜親子營, 俾我老公同兩個小朋友認識吓媽咪曾經讀左幾年, 住左幾年既學校!!  我呢個舊生離開左學校咁多年, 今次先係第一次返去咋~~

為左方便大家, 學校安排旅遊巴係九龍塘接送, 唔駛我地自己去, Good 呀!!

我地三點左右去到, 剛好有個輕黏土班開始, 我地梗係去玩左先啦~~

一人一舊, 搓呀搓呀~

予晴唔識整, 我要做埋予晴個份........

整上面D公仔, 老師教比較簡單的圓圓公仔(好似我上面 mickey mouse 個D), 但妹頭偏要整迷你兵, 佢只搓左舊黃色黏土, 跟住交比我!! 

我一共做左三個.............嘔血!!   不過, 四個完成晒, 好靚呀~~

Yeah~~

一場來到, 同logo 影幅相先~ 

我地上房放底行李, 跟住就去食飯啦~

因為人太多, 所以晚餐分左兩層, 用晒地下既Canteen 同一樓既酒樓.....我地坐一樓L枱 ^^

晚餐開始前, 大家一同唱校歌!!! 我完成唔記得了!!!  予晴跟住唱, 好攪笑!~~

司儀介紹吓, 睇吓表演, 我地就可以開始喇~

自助餐形式....食物OK啦, 志在開心吓!

食完晚餐返宿舍, 跟住就帶兩隻小鬼返房沖涼瞓覺喇!我地去左大Lecture room 度睇電影, 好有 feel 的!! 哈哈~

係common room 仲有糖水, 大家一路食一路追吓電視劇, 很Hea 呢~  

跟住就帶兩隻小鬼返房沖涼瞓覺喇!

話咁快...............第二朝................

梳洗好..........又來到 Canteen 食早餐!!

靚早餐係一日活力既開始~

早餐質素 OK wor~

食飽我地周圍去行吓影吓相~

呢張係樂程安排要咁影的, 哈哈~

嗱............呢度就係媽媽以前讀書既地方喇~

學校個中式花園係幾靚架~

跟住上去影 3D 相, 好好玩呀~

兩個小朋友要學猫頭鷹單腳企, 好可愛~~~ 

好喜歡呢張全家幅, 好靚呀~

影完相我同樂程去排隊做反蓋包..............爸爸同予晴就去玩扭波~

要用針線, 對小妮子很有難度呢!!  雖然部份要老師同媽咪幫手, 不過佢仍然好努力去嘗試.......

Yeah!! 完成喇~~ 

係咪好靚呢~

我地跟住去食小食部換野食, 免費架~

門口又有攤位: 扭波啦

夾餅啦, 爆谷啦~

又有傳統字畫~

湊夠一家人, 哈哈~

玩完我地跟住就返去執行李離開喇~

下年再黎過, Bye Bye~~