呢日天氣好好, 我地決定照攞泳衣去Wet'n'Wild俾兩個小朋友玩一陣!! 出發之前, 我地特登走去沙灘度影吓相, 無理由黎左Surfer Paradise幾日都未踏足過呢個最出名既沙灘架?! (之前既night market就係海邊, 不過個時天太黑海面都睇唔清楚…)
連綿不絕既沙灘呀!!!! 呢度既沙超超超幼, 望住廣闊大海, 實在太舒服喇!! 如果有多一日, 可以係度Hea一整天就好了~~ (貪心呀~!)
好可愛的兩姐妹 !
走呀~~~
很舒服的~
為免太晏, 我地只留左一陣間, 就出發去Wet'n'Wild, 一樣搭TX2, 係movie world早一個站, 係咪好方便呢?!
Wet'n'Wild Water World |
Pacific Motorway, Oxenford, Gold Coast |
Mon - Fri 10am - 3:30pm |
Sat & Sun 10am - 4pm |
http://wetnwild.com.au/ |
有得玩水, 佢兩個換完衫拿拿聲跳入水, 連阿媽姓咩都唔記得喇~~
超開心的~
媽媽好喜歡的笑瞼 ^^
係咪睇見都想沖個去玩番餐先?!
樂程: 阿B, 幫我接住d水呀~~~
有一排好好玩既滑梯!
Go Go Go~~
因為仍然係冬天既關係, 有d大型設施無開. D水小小涼唔算好凍, 不過我地都唔敢俾佢地玩得耐, 怕冷病就慘喇~ 佢地玩左一個鐘左右, 我地就離開喇!! 如果係夏天, 必定好好玩的!! 留待下次有機會再訪呀!!!
你兩個搵到d咩好野?!
我地之後行去”隔離”既天堂農莊, 佢有指示向一個方向行太概一公里左右………沿路有羊, 有馬, 但無人!!!! 黎既人都你駕車既, Oh My God!!!!! 我地一直行一直行, 行左半個鐘有多!!!! 去到門口見到好多人…..個刻心都定d, 起碼無行錯!!
終於到了~~~
天堂農莊 Paradise Country Farm |
9:30 - 4:30 |
Entertainment Rd, Oxenford QLD 4210 |
http://paradisecountry.com.au/ |
呢度係個牧場, 不過係好”旅遊”既地方, 好多中國同香港團友係度!! 地方唔大, 我地去到先睇時間表……有得餵羊bb, 帶兩個妹去試吓!!
排隊餵羊咩咩飲奶奶.......
呢度一樣有樹熊, 有袋鼠, 不過數量唔多………
一隻隻瞓晒係度!!!!
大膽的予晴
佢d表演時間排得幾好, 一個接一個, 我地先去睇剪羊毛show....
根住食個lunch……
食完又睇表演: Billy Tea show......
仲有個 Stockmen & Sheep Dog Show……牧羊犬趕羊, 示範回力標同皮鞭…..我”有幸”被選中一齊做皮鞭表演!!! 先蒙住雙眼, 然後用口咬住支樹枝, 跟住主持人用皮鞭一抽就打斷了!!! 嘩, 其實個心都有d驚呢, 雖然我知道佢”一定會”成功的!!! (還是一定要成功 ?! 哈哈~)
仲有個騎馬既表演~
淘金呀~~~~
好認真的樂程.........希望淘到名貴寶石 Haaa Haaa~
呢度大概留左三個多鐘就可離開了!! 我地又行番出去….幸好有另一個家庭都係行路出去, 無咁孤獨好似行得快d呀~~ 我地出到去向Movie world進法, 因為仲有差不多成個鐘先關門, 有年票, 梗係玩盡佢啦!! 抵晒呀~
Batman............我地又黎喇~~~
最後完場先肯離開搭番車去Cavill Ave食晚餐!
呢間係日式鐵板燒, 點解食呢度? 事緣三日前我地搵食經過呢間餐廳, 樂程話想食壽司, 佢見到人地坐鐵板燒枱佢又想坐, 不過個晚無位! Ok, 咁第晚先啦! 點知第二晚去到時鐵板燒枱已full booking….小妮子好傷心呀, 我問職員剛好今晚有位可book, 所以就book位食鐵板燒囉!!! 三顧草盧, 真的不得了!!!
噴火表演 Haaa Haaa~
可以睇師傅表達, 兩個小姐好開心呀, 不過我地個荷包好肉赤呢!! 價錢一d都唔平, 我地埋單千幾銀 (港幣), 不過食物我覺得OK啦~
食完飯我地就返酒店執野, 早d瞓準備聽朝早機去悉尼喇~~