close
與好姊妹說開在家自制豆腐花.....講吓講吓自己都心郁郁想再整黎食! 一於趁星期日得閒同妹頭一齊 DIY 美味~
材料非常簡單, 只須: 豆漿 1000ml, 食用熟石膏粉 1茶匙 (藥材鋪有賣), 鷹栗粉1茶匙, 清水 1 湯匙
先用小碗將石膏粉+ 鷹栗粉+清水徹底拌勻
跟住煲熱豆漿.....至滾便可熄火
將石膏粉水再攪一下倒入要凝固的器皿內.........再用一尺以上距離將熱豆漿撞入石膏粉水內....... (危險動作, 呢個要請大人幫手呀~)
蓋上廚房用紙同蓋, 靜止一小時就 OK 喇~
我地上午整完.......下午出去玩........玩完返屋企就有得食喇~~
食前可將面層的氣泡刮走~
豆花好滑........因為豆漿本身已帶甜, 所以唔須要加糖都好好味!!
你係咪都心郁郁想再整黎食呢?!
文章標籤
全站熱搜
留言列表