20媽媽小天地

Tatami 好好瞓, 我地朝朝都瞓到唔想起身呀~

起程前先食個靚早餐~

Pack 好行李, 就離開旭岳大雪酒店喇~

天氣超好 !! 

今日主要係美瑛, 第一站, 先去出名靚既青池~

青池應該被旅遊局宣傳得多, 連旅遊巴都有, 周圍都好多人呢!!!!!!   

現場睇其實青池唔大, 不過藍藍既池水加上孤木既倒影係幾靚架!!  只可惜現場好多人.......如果寧靜D會感覺好好多呢~ 

出面光, 里面暗, 好難影得靘人樣呀~

自拍掍出場............

唔同季節, 感覺應該好唔同吧~ 

青池

好多人, 不宜久留!!!  我地拎車過去隔離既白鬚瀑布.........

跟 GPS 去到係一條橋.........原本白鬚瀑布係橋下望落去的! 

瀑布唔大, 要 close up 先影得清楚............

逗留左好短既時間, 我地就起程去下一個景點..............美瑛放牧酪農場 !

風景唔錯架, 不過中午時份太陽好猛呀!!   

我一直以為係呢度可以試揸牛奶, 原來係攪錯左!!! 

去到見到一大片青草D...........有牛群係度散步, 曬太陽..........

我地先走入屋仔睇吓, 點知結果係............

吃貨兩姐妹 !!   雪糕好滑, 係呢度既牛奶自制架~

予晴跟我行左上去青草D..............不過離牛群好遠呀, 同唔到牛牛影相呀 >___< !!

只好影吓四周既風景~

最後發現原來屋仔後面里埋左一群牛牛係度食緊草~

呢度無咩野睇, 我地坎人, 向四季彩之丘進發~~

四季彩之丘, 係另一個人氣花田 !! 同富田農園有得 flight, 是旅行社必去既景點之一..............簡單黎講: 即係好多人!!

我地去到先去主樓既二樓食午餐先!   等左好耐既炸蝦丼 蕎麥麵, 味道都 OK !

食飽飽就落去影相喇!!

呢度個花田好大, 好多人都坐園內既大卡車遊覽, 包括樂程, 佢C都要坐卡車遊覽!! 反而我覺得用腳去慢步於花田里面更好............可以近距離同靚花田影相!!  

於是, 我地兵分兩路, 爸爸就同樂程坐卡車, 我就同小予晴去行花田!

雖然多人, 不過地方夠大..........所以可以影到靚靚既花!

予晴, 你在賣廣告嗎 ?!

一行一行既花, 好型呢~

另一面, 樂程同貴爸出發"遊車河"喇~

唔知小妮子坐住睇係咪嘆好多呢?!

除左花, 唔同既"翠綠" 都好靚好型 !! 

範圍真係好大好大呢~

我地滙合喇~

呢度既薰衣草味雪糕淡淡的..........幾好味呢~ 

媽媽成日都話: 分享好味D........無錯的!! 

呢個影相位都唔錯呀, 不過多人左D.......

除左影花, 食雪糕, 呢度仲有個草泥馬小牧場……..里面住左十數隻草泥馬係度, 個個樣子傻傻的好可愛!

除左睇, 仲可以買飼料佢地……….. 予晴話要餵, 我地買左一兜, 點知要餵時佢又話好驚!!! 每次餵D飼料都跌晒係地, 草泥馬食唔到架~! 

草泥馬心諗: 搵食真難..........伸到頸都長呀!!

予晴行近D喇~~~  你好攪笑呢!!

差不多3點...........我地就離開四季彩之丘喇~

時間尚早, 我地加插左去一轉千代田農場, 因為上網 check 到呢度有得體驗揸牛奶……………不過去到已無咩人, 淨番一個鐘左右就閉園 loo......... 

只好去睇睇園內既小動物, 餵吓馬仔!

應該要上網預約定活動..........預留小半天既時間, 遺有留待下次有機會先再黎啦~

聽講美瑛駅好靚?!  我地兜去影幅相....不過好似同其他駅差不多喎!?!    

跟住就返去民宿Mr Gnu喇~

熟悉地方, 兩個女當自己屋企咁!! 今晚仲識左個Charlotte 姐姐, 食飯又同其他住客有講有笑, 兩姐妹好開心呢!

又係新鮮美咪既晚餐~

晚飯之後, 我地就食左個哈密瓜…………呢個瓜係前日經過園圃買既, 原本諗住第一晚係 Mr Gnu 度切黎食, 但 Mrs Gun 按一按個瓜 pat pat 就話佢未夠熟, 要等一兩日食先最好…..剛好我地隔一晚會再黎住, 所以個瓜就係咁寄居左一晚係度喇!!

哈密瓜妹妹?! 

Mrs Gnu 好利害, 個哈密瓜剛熟, 真係好甜呢~

話咁快.................攪掂!!!