食飽沖繩麵, 揸幾分鐘車, 到我地下午既景點 - 名護自然動植物公園.
呢度地方唔算好大, 又唔算好多動物, 不過小動物都係自然環境里, 我地行吓睇吓, 都OK. 可能地方舊了, 又不算吸引, 即使今日係星期日都好少人…..入左大門口, 我地先去二樓坐小火車, 下班車未夠鐘要等一陣, 出面有d小小既機動遊戲, 即使唔駛入錢, 兩姊妹都玩得好開心!! 小朋友就係咁簡單~
呠呠..呠呠....開車喇, 唔該借借.....
妹頭又發揮佢親善大使既本色~
上左小火車, 都幾得意架, 沿途睇吓風景, 又睇吓動物, 吹吹風, 唔錯!
好清幽好舒服既風景~
小火車圍繞公園行左一圈, 返回上車點, 落車後我地自己跟住路線行入公園去親親小動物!! 一開始, 有好多好多既雀鳥 !! 面對雀多勢眾, 妹頭有d驚 (媽媽好衰, 媽媽竟然覺得有d想笑!!), 佢手上既飼料好快就沽清喇~~
佢謀住我手上既飼料......
一路行會見到唔同既動物, 小袋鼠啦, 豬啦, 駝羊啦, 魚啦…….當郊遊吓, 好健康~
係公園留左大約兩個小時, 五點幾我地離開, 先去附近既AEON超市行吓, 買定第朝早既麵包, 買d水果….
玩具部....睇佢地個樣就知有幾開心!! 哈哈哈~
跟住就去燒肉乃我那霸到食晚飯…..呢度是比較出名食烤肉既餐館, 網友提我要預先book位, 以免有牌等呀~
有國語服務員, 唔駛雞同鴨講!! 餐牌有很多選擇, 我地選左最簡單既 – 豬+牛吃到飽!! 先點唔同種類既肉同睗, 加d蔬菜, 有白飯有湯, 適合我地又可以啱BB食!! 係度燒吓食吓吹吓水都幾好架, 不過我地有bb就要小心d, 始終熱烤爐怕佢整到呢~
如果唔係揸車, 一邊烤肉一邊啤啤佢簡直爽呀!! 哈哈~
睇番都回味無窮呢~ Yummy !!!
牆上好多簽名.....應該很有名氣呢~
食完野我地就摸黑開車返酒店喇~~
兩位小姐沖完涼仲有甜品享用, 正呀~
留言列表