20媽媽小天地

呢個係 unicef 聯合國兒童基金會攪既活動「小畫家大夢想繪畫比賽」......

我地約埋幾位小姐一齊報名, 一來可以幫助人, 二來當聚吓郊遊吓!!  原來今次繪畫有題目的....主題: 為中國貧困地區的兒童送上一份春節禮物！  不過幾位小姐一於少理.....我鍾意畫咩就畫咩啦~~

地點係維園既大草地.....佢畫分左唔同顏色區域, 我地係綠色 A組 !

因係坐草地, 大會提我地帶地墊.......一人帶一塊, 結果圍左個大大地方出來! 正呀! 哈哈哈哈~

參加者唔駛帶D咩....大會提供畫紙, 畫板, 顏色筆, 自己鍾意就可另外帶材料!

我醒目, 帶左紙同細盒顏色筆, 等予晴都可以同家姐一齊畫.......兩姐妹一齊畫, 好可愛呢~

樂程好專心咁畫緊佢個長髮公主!!

爬係度畫.....兩位好嘆啊~

雪雪係度諗咩呢?!?

呢個小妹唔要再畫了, 開始攪攪震......wo wo 搵到好野玩~~

阿妹, 你D係咩表情黎?! Haaa haaa~

1

樂程中途走左去附近上左一個鍾頭話劇班, 跟住又走返來畫, 好快就完成佢幅大作!! 

登..登..登..登..!!

四位大師來個合照先~

有影前, 梗有"影后"......

我好鍾意佢地做呢D團體動作, 好可愛又好攪笑!!   完全係滿足媽媽們, 太過份喇 >_____<"

予晴: 仲有我啊~~

予晴: 媽咪, 我都好可愛的, 嘻嘻 ^^

p.s.: 小姐們畫畫, 媽媽們傾吓計, 過左個悠悠既下午! 呵呵呵呵~