20媽媽小天地

11月11日, 今日主要係去美之海水族館….我地酒店直頭係美之海側邊, 只須將架車泊係水族館既停車場便可起行!! 天氣變幻莫測, 尋日猛太陽, 今日小小陰天, 涼左很多~

大門外好可愛既烏龜同妹頭!! Haa Haa~

我好鍾意影呢d相, 超攪笑的!! 影時太大風喇, 吹到頭髮飛起晒~

係停車場門口看到呢個à中國人/台灣人/ 香港人, 幫水族館做個意見調查, 可以免費入場參觀, 我地因為之前已係OTS度買左飛, 職員問過話完成之後可以退番入場費俾我地, 嘩, 正呀!! 慳番幾百蚊, 我地梗OK啦~

水族館係沖繩既必遊地標, 即使呢日係星期一, 都有好多本土人同遊客…...搵人影張全家幅, 返來睇番先知, 嘩, 原來後面咁多人!!!

望住個大海好舒服~

我地第一站係睇珊瑚, 可以摸摸海星, 好得意呀….不過妹頭唔太敢摸呀~

原來海星是硬硬的...真係摸過先知呀~

跟住係好多大大小小既魚, 大人小朋友都睇得好開心呢~

企係度既魚, 好攪笑~

D魚多到密麻麻呀...

呢個大魚缸就係出名既黑潮之海喇!! 好喜歡企定定睇住d鯊魚同魔鬼魚游來游去~

水族館後面係海牛館, 養左幾隻係度…...不過環境差好遠啊~ 哈哈!!

我地跟住去食個lunch…..呢度有野食既地方唔多, 快餐又係沖繩麵 @@

我醒目, 選左燒雞飯, 味道 OK 架 !

食完野剛好去睇海豚表演…. 海豚, 真的是百看不厭~

呢個好犀利, 真係跳得好高架~

我地跟住去了海洋博公園另一邊既熱帶夢幻園, 呢度相對少人好多….佢分左一個個既溫室, 種左好多植物, 我覺得慢慢行都幾好架, 小朋友又可跟住路線去溫室度蓋章, 幾得意的!

超大既石臺......咩用呢 ?!

要行一段路先到熱帶夢幻園, 中途影相都幾靚的!

 <-- 好可愛既妹妹

見到呢d花草做既動物就知到喇~

里面好多花同唔同既植物, 靚呀~

妹頭: 我靚嗎 ?!  (暈~ )

紫色既蘭花....很少見呢~

是荷葉定蓮葉 ?! 大到可以企人架....

 <-- 很可愛的楊桃

你要做 cinderella 嗎 ?!

呢個螺旋塔可以上去的....不過落緊毛毛雨, 無去loo~

回程去左海洋文化館, 展示左海洋文化同歷史, 不過我本人對呢度無咩興趣! 到此一遊便離開~

臨走前玩埋公園, 兩位小姐見到公園真係急不及待呀…..第一時間走左去了~

有個好大好大既繩網呀, 好啱妹頭呢個年紀既小朋友~

予晴, 都係玩d BB 既玩意好d~

三點幾, 我地就去做埋問卷, 退左門票錢, 揸車離開loo…....

下一站去鳳梨園, 途經御菓子御殿, 名護呢間好大間, 任人試食, 好好逛!!

幾個字車程就到鳳梨園……泊底車後有shuttle bus車我地入去, 車內有DVD不停播放"菠蘿歌", 好易上口, 妹頭都跟住唱~

攪笑的大菠蘿~

呢度其實係賣手信既地方, 不過要入場費!!! 入到去, 先上菠蘿車….以為可以揸, 妹頭掙住坐前面, 點知是全自動的!! 跟住路線遊覽吓個小溫室, 見到d菠蘿BB, 都幾得意呀! 遊覽完就入左個房….放左d新鮮菠蘿俾人食, 旅行少食生果, 我地乘機食多幾舊!! Hee Hee~

 <-- 很鮮甜的

跟住最尾入到大房就係售賣各種食品飲品既地方, 最出名當然是菠蘿蛋糕了, 不過我覺得普通, 唔算特別出眾!!  反而試飲桔子汁很喜歡個陴清香味, 掏腰包買支返來慢慢飲….HeeHee~

予晴都唔客氣要一齊試......

妹頭就更加唔客氣了.......

離開鳳梨園我地就揸車向那霸市出發喇……原計劃要去看一看萬座毛, 不過去到時個天已黑晒, 黑麻麻咩都睇唔到呀, 只好又留番下次了!! 直去食晚餐既地方 - 元祖海葡萄

兩位小姐好認真地搣d豆豆, 好攪笑~

我同貴爸都叫了這個推薦既海葡萄蓋飯…..貴爸話好好味呀, 我唔知道白色個d係咩, 黏黏的感覺怪怪!  海葡萄細細粒pot pot聲, 幾得意~

食完飯出面落緊雨loo….我地揸車返那霸市既酒店 - 東急那霸商務休閑酒店

呢間係商務酒店, 大門口在內街, 而車就泊在對面的停車場內, 再攞泊車咭去酒店lobby登記, 1000日元泊一晚, 不限出入次數. 第二朝出車時係停車場里面既收費機繳費便可以了, 很方便的!