20媽媽小天地

近期工作超忙, 日日都OT, 已經月尾了, 都沒有時間 update 妹頭14個月既成長 !!! 現簡單記吓.....

1月17日, 天氣暖番D, 好想去郊遊, 上網睇吓, 發現呢個地方幾好, 一家人一於去行吓 !!

於大肚既時候, 逄周六我都有去聯合到聽吓產前講座, 個時就識左呢個朋友 - Samantha.......可能大家年紀差唔多, 有次坐埋就好好傾....又可能呢D叫緣份啦, 我同其他人坐時都唔會咁樣傾, 大家聽完 talk 就走人, 係同 Samantha 先傾到完左 talk 都唔肯走 !!!

剛星期日參加左個 BB party, 初時有好多人報名既...不過後來見到好多人都陸續退出, 心諗有d不妙, 呢個party 真定假既呢? 會唔會攪唔成呢 ? 但我地又已經入數俾左錢, 點算好呢 ? 好彩去之前打電話去 YMCA 確定有呢個活動, 百分百肯定無泡湯....

D人話阿爸錫個女多d....原來係有原因的 !!!

聖誕節我地無周圍去, 12月26日就決定去挪亞方舟到睇吓, 起左咁來, 我地今次都係第一次貢入馬灣咋 !!

去完爸爸公司, 12月24日就去媽咪公司到開 party....媽咪公司就簡單D, 只係食晏同抽獎......

星期日, 去左貴爸爸公司 - Haeco, 參加左一年一度既聖誕兒童聯歡會, 原來今界先係第三年攪咋 !! 星期日好大風, 仲要係東涌, 我梗係有準備, 我幫妹頭包到實一實, 以防佢再冷親 !!

之前在網友的網誌中看到.....留意左好耐......希望在此連結, 希望有更多人知道阿蚊同 Yuen (我唔知中文名) 既事, 希望有更多人為佢地禱告, 俾佢地更大既力量同堅強, 一齊去渡過呢個難關......

過左1歲, 長大左, 對身邊既一切超級有興趣......小朋友係0-3歲呢倘個階段, 腦部發展係最快既, 希望妹頭係呢段時間都盡量吸收啦 !!

我覺得妹頭隻左眼常常偏中 (右眼無此問題), 其實我於6個月同12個月既健康院檢查都有同醫生提出, 簡單檢查 (用電筒照, 睇眼珠既光點是否在眼珠中間, 還是有偏內或偏外情況)都覺得唔似豆雞, 不過醫生接納我地既擔心, 都同我轉介去眼科到睇睇~~ 

早兩晚拍低既片, 見到妹頭開心既樣子, 媽媽的心情都會自自然然好起來...

11月29日, 我地參加左由 0811媽媽合力舉辦既 0811 BB一歲生日會, 全場共有120個 BB, 地點係新世界中心既萬麗酒店....呢個咁盛大既生日會, 真係好犀利, 辛苦晒一班出力出時間既義工爸爸媽媽 !!!

妹頭既八隻牙仔都 keep 左好幾個月, 我仲係度諗緊幾時先會再出牙仔....點知係妹頭一歲既時候, 佢既上排左邊犬齒已偷偷地生左出來了 !!   平時真的好難見到, 要特登大大咁張開口先可以.......我無意間發現里頭多左隻白色牙仔, 細心d睇先見到原來係犬齒, 仲要係爆牙 !!!!!!! Oh, God !!! 點解靚靚既牙齒會多左隻爆牙 ?!? 趁妹頭打一歲針時問吓醫生, 醫生就話由得佢啦, 唔通你想而家 cool 牙咩 ?!?  咁又係.......

呢段時間，妹頭都好肯行，由慢慢扶住行，到兩隻手拖，到一隻手，而家佢仲可以放手行幾步喇 !! 雖然唔係好穩陣，不過佢好大膽.....真的越來越叻叻喇 !! 　

十月初九，祭祖大日子....我地一早就起身準備喇 !!

11月22日至26日, 我地一家三口跟爺爺返左鄉下喇, 地點係位於潮州汕頭之間既小鎮庵埠.....係觀塘有直通己巴士到達, 須時 6 個多小時. 好彩之前有帶過妹頭出門, 這次潮州妹返鄉之旅可算很輕鬆 !! 

呢排天氣凍好好瞓, 妹頭日日都可以瞓到好晏先光起身, 不過唔知係咪佢知道呢日有得玩, 一早就起左身喇.....爸爸好媽媽想瞓耐D都唔得.....好啦, 一於就早D出門口啦 !!

我地預左正日去海洋公園, 咁就早一日同妹頭切蛋糕啦~~

呢輯係一開始影左先既全家福, 大家都好開心 !! 簡單既背景, 我覺得影得幾好架 !!