20媽媽小天地

近期工作超忙, 日日都OT, 已經月尾了, 都沒有時間 update 妹頭14個月既成長 !!! 現簡單記吓.....

超餵食, 其實由始至終都咁餵食, 不過而家大左, 食既野多左豐富左, 好似無時無刻都要搵野食 !! 即使食完奶, 到我地食飯, 佢都要一齊揍熱鬧, 咩都俾D佢食 !! 仲有, 暫時仲未有D咩係佢唔食既 !!

今期試過: 檸檬茶, 維他奶, 熱華田, 麥皮, 華梅, 士多啤利, 奇異金果   

而家14個月, 我地開始夜晚果餐俾佢試吓食飯仔, 不過唔知點解, 食完飯好似唔夠飽, 好快就要補奶粉 ?!?

開始識講兩個音既字: Baby, Daddy, Mummy, Happy, Oh No, o個個, 燈籠 (屋苑有), 瀑布 (書有), 鎖匙......

認得會出叫聲既野: 花, 車, bear bear, 鴨, 姊姊 (女孩子就叫), 毛毛, 筆, 寶寶(佢個盒寶寶之書), 鞋, 襪, 杯, 飛 (即飛機), 豬, 猫.....

而家識扭計捉住媽咪叫 "抱~~", "餅呀~~" (係喊晒口既樣 !!)

隻手拍拍張椅, 叫我地"坐D度!!" (音唔係好準, 不過係呢個意思 !!)

識自己另轉面個 pat pat 坐係張膠椅仔度....

每日都將D玩具, 雜誌, CD/DVD, 灑到一地都係....每晚都要執一輪, 如果唔係, 真係以為屋企俾人打劫完 !!!

叫佢笑, 佢識得要"依"起排牙 !!

已經出左上面兩隻犬齒同大牙喇 !! 而家有上八下四 !!

自己會叫"拍拍" (即拍拍手), 同叫"爬爬" (爬地下)

自己識得要著襪....

識得抱住隻公仔呵佢, 仲要鍚啖....係鍚幾啖 !!

識得同表姐惡鬥, 人仔細細脾氣真的不輸人 !! 妹頭, 媽咪最唔鍾意喇 !!!

識得攞塊布/ 紗巾學大人抹抹抹....