第二日我地會去動物園……朝早先去食個靚早餐, check out後放底行李, 跟住就搭shuttles去動物園喇~
天陰陰的……只要唔落雨都ok! 我地因為是兩日套票, 去到入閘機要認指紋……貴爸與兩個女過左閘, 點知我既指紋scan 極都話錯, 又要去另一部機scan, 點知都係唔得!! 結果要去客戶服務處做特別安排, 確認是機器失誤, 再去售票處換放行收條…..真係攪到人都暈呀!! 好不容易入左場…….可以起行……..行行吓貴爸問予晴呢?! 佢以為予晴在bb車的行李籃 (予晴坐到在籃內).....原來予晴不在身邊, 我個吓真的嚇到成個心都飛了出來!! 我立即飛奔回大門口, 顛了似的不停大叫予晴……….幸好, 在不遠處見到佢自己在行! 佢見到媽媽都即刻跑過來, 我將佢攬到實………我真的真的嚇死了! 我個吓見到周圍d人望住我…..如果真的不見了女兒, 我相信真的會顛左!!!! 我問予晴行去左邊度, 佢話見唔到媽媽去左搵媽媽……唉! 嚇死我了!!! 個刻咩都唔緊要了, 只要在身邊便好了!! 不過我當然又一輪教導: 要跟實爸爸媽咪, 唔可以自己走左去…….等等…等等!!
正式起行….媽媽我跑完一輪已流晒汗!!!
好嚇人的長頸鹿 -_______-"
動物園很大的, 我地慢慢行慢慢睇, 有好靚靚既紅鶴, 又有唔同品種既馬騮………先去睇馬騮表演, 不過睇完便開始落起雨黎….
好可愛.....佢係度等人掉野食呀~
失而復得的女兒 *__*
睇老虎, 有白色, 有啡色, 有大隻, 有bb的……可惜要擔住遮睇, 很掃興呢!! 避吓雨又唔想行, 塑性走去坐小火車遊覽……….睇吓野生既動物, 設計幾好的………不過而家多左”自駕遊”呢個環節, 多左好多私家車在同一條路上, 車程很慢, 又塞車, 破壞了原有的風味, 比起兩年前遊覽時差左好多呀!!
上左車....你有你落雨, 我地有我地睇 !
落車後搵地方食野……..可惜餐廳望落好近, 但行就好遠, 雨越落越大, 仲要行多好幾個園區, 有夠累人的!! 一路行經過園區都無心機睇了, 只想快快去到餐廳可以坐底休息吓……….終於去到, 不過予晴已瞓左 -_____________-“
食飽又行唔到..........妹頭既玩意係............玩水!!! 哈哈哈哈~
滂沱大雨……….好難再行, 亦都無心機行!! 我地決定搵路返大門口, 寧願早d返酒店…….不過路遙遙, 行到出門口我地四個都衫褲鞋襪濕晒了! 返到酒店拿拿聲換晒d濕既衫, 休息吓……..妹頭仲要做埋功課, 哈哈哈哈~
四對濕透既臭鞋.......
妹頭既週記: 長隆之旅
四點半左右, 我地就搭番酒店車出順德港……結束兩日一夜長隆之旅loo~
煙雨蒙蒙的順德港.........Bye Bye~
留言列表
飲飲食食 (2)