20媽媽小天地

4月6日7日, 我地 book 左去澳門玩兩日......不過因為兩公婆都帶病, 還有很多大懞蝦碌事, 感覺不太盡興.....!!

我地去程11點船, 一朝早就起身煲好粥出發, 10:30 已到港澳碼頭, 諗住攞船飛後可以食d野......點知攞飛時發現 "我張身份証呢 ?!?!?!?" 一時間個心慌左出黎 !!! 我定心諗諗, 係之前個日我出去影相時特登攞左出黎放係胱腰包度.....Oh Shit !!! (sorry, 現場再粗俗d, 不過唔講唔得 !!)  由於用我名登記, 必須用我身份証去攞.....而且, 我無身份証點過大海呢 ?!?!  無辦法, 將妹頭同行李交俾貴爸爸, 我極速走去0的返屋企.....唉, 不過30分鐘又點夠來回路程再攞船飛呢 ?!?  心里盤算的士$2xx + 船飛 ~$500, 真係破財了 !!!  幸好遇著好司機, 佢幫我趕路, 仲主動收我 8折 (其實唔止, 不過只收$180)......我去到船公司, 只好扮可憐的說有急事所有趕唔到 (個時已 11:30), 其實旅行社出船飛無得改的....我只是搏吓睇吓有無轉機....竟然主管肯人手改給我, 每張飛只加收$10.....心里暗暗歡喜: Yeah~~ 成功 !!  終於上左 1 點船出發........(只是起程已令我身心疲累....)

酒店住威尼斯人......房間真的超大, 好舒服 !! 這個抵讚 !!  不過酒店太大了....唔小心就會好易迷路......我地有次就試過搵黎搵去都搵唔到個出口 !! 另外, 澳門的酒店間間都金光閃閃.....不過我個人就唔太鍾意喇 !!

我地放低行李就去左大三巴度行吓, 影吓想, 食吓野 !! 可惜有咳同喉嚨痛啦....見到熱氣野都唔係太敢食~~

wei wei, 有咩睇 ??

6 點, 唔想行, 都係返酒店訓陣, 沖個涼差差電先........起身時都8點幾了, 決定去食葡菜.....去左木偶餐廳....不過真的很麻麻, 不提算了 !!!  反而之後去莫義記食榴槤雪糕, 好好味啊 !!!

第二日, 去漁人碼頭行吓, 可惜落雨濕濕, 都係到此一遊就拿拿林食D野走人為上~~

第二日時間短D, 周圍影吓相, 食埋蟹粥就趕搭船走人喇~~

酒店四周都係壁畫......

keep 住有旅客坐貢多拉比大家影吓相~~

回程又在發病 -- 搵來搵去都搵唔到船飛 (趕往碼頭途中), 唔係呀 ?!?! 咁蠢漏左係酒店 ?!?!  最尾搵行李箱先發現無攞出黎.....自己嚇自己....我要虛脫了 !!

其實已經有好幾年無去過澳門, 但今次再去都無咩特別興奮, 可能兩個都狀態不佳吧.....我地又唔賭錢, 又食唔到D咩...... !! 不過我相信短前期內都唔會再選擇澳門了~~