聖誕節得3日假期點慶祝好 ? 我地就買左飛去東部華僑城兩日一夜喇......
我地 25號朝早10點係油麻地上車, 1 個鐘已到沙頭角, 連埋過關, 12點左右已到酒店喇 !! 好快 !! 我地住瀑布酒店, 房間簡約又乾淨, OK架 !! Check-in 後就同妹頭搵野食........叫左木桶飯, 不過妹頭唔食呀 !! 唔知係咪食左少少糖同餅乾.....激屎 !!
木桶飯.........
地方大, 周圍影吓相, 環境都幾靚架~
呢個度假村自成一角, 都有好多香港同內地同胞入黎玩.....我原以為會有勁多人, 幸好比我想像中少好多, 唔會迫 !! 不過可能外面凍同大風, d人都迫晒係d 4D 影院度排長龍 !!! 我地就排左個幾鐘睇個什麼 "地心四千里".......排到妹頭都瞓著左, 但係睇完都唔係好知睇過d咩囉 ?!?!
睇左個特技表演 "咆哮山洪".......有鬼佬, 但講國語......真的好難代入 !!!
呢個小朋友做咩瞓地?!?! 扭計中....
到下晝 4點幾個天開始落毛毛雨, 嘩, 開始好凍喇 !! 山上面白茫茫一片......
為免冷親, 我地都唔繼續行, 決定返酒店休息吓, 沖個熱水涼 !! 原先想睇完6:30 pm 既"天機" 先食晚飯 (睇資料好似係必睇 item ), 可惜是日唔做.....因為係戶外, 可能因為太凍 ?! 可能因為落雨 ?! 我地索性 6點去食酒店 buffet..........食物 OK啦, 不過唔夠多款. 魚生...等黎等去都等唔到三文魚 !! 甜品都可以......
每枱都係聖誕小禮物~~
食完野, 早D返房休息............我地間房........
呢個小朋友成日打電話, 唔知搵邊個 !??!
係呀, 話你呀妹頭 !!
近牌學返黎的...........扮鬼臉
第朝瞓醒一覺, 天氣好好多, 又有太陽, 無咁凍 !! 我地先同妹頭玩個簡單既旋轉木鳥 (唔係馬仔....係雀仔!!)....細膽妹頭唔肯自己一個坐 !?!?
玩完我地就搭索道去茶溪谷喇~~
全站熱搜
留言列表
飲飲食食 (2)