第十七個月－20媽媽小天地

今日第十七個月喇....

呢段時間, 我聽得最多的便是 "媽咪呀~~~", 之前還在投訴佢痴爸爸唔痴我....仲話生舊叉燒好過....而家呢, 叉燒很喜歡成日都痴住媽媽, 一起身就"媽咪呀~~媽咪呀~~", 睇我係唔係度.....聽到真的好冧呀~~

小朋友的模仿力很強, 我地大人係佢地面前既一舉一動都要好小心.....必須要做個好榜樣 !! 而家妹頭學左D唔好野, 例如會同人掙吵, 咩都話"唔俾"...唔識同人分享, 特別係食野.....會"打" (呢樣真的好唔啱 !!), 又識話"唔理你"....?!?!? 人仔細細可以好惡死......真係要耐心咁教咩係啱咩係唔啱先得......

雨遮, 我都可以玩得好開心~~

我地開始左每晚都餵妹頭食半碗飯仔, 將平時9點餐奶推遲到10點幾....佢因為鍾意食野, 可以乖乖坐係櫈度食, 而且食得幾好, 呢個抵讚 !! 佢而家係朝早9點一餐7/8安奶, 中午 1點及5點食粥, 晚上8點左右食飯, 10點幾飲6安奶.....我自己係度諗....不如將5點餐粥轉飲奶....咁晚上就跟我地全餐食飯....直至瞓覺!! 唔知好無呢? 瞓前無奶飲, 唔知會唔會唔慣呢? 仲研究緊, 大家有無咩意見呢 ?

食飯上半場好OK....飽飽後就開始玩喇~~

另外呢個月開始, 我晚上同妹頭擦完牙先瞓.....其實我好早已想同佢擦牙, 不過佢唔就範, 屎都唔開口.....我遺有收埋個牙刷 !! 不過呢個月開始有進步, 聽左擦牙歌, 佢肯俾我同佢擦, 當然屬玩水性質, 亦攪到成身濕晒, 不過都係個好開始 !!

擦牙歌 http://www.youtube.com/watch?v=WjtB8GFV4PQ

於厠所便便....一點進展都沒有 !! 唔明點解妹頭很抗拒於厠所便便, 我每次問佢媽咪陪佢去厠所佢都耍手擰頭話唔俾....?!? 唔通仲未 ready ?!? 不過近牌有幾次我聽到佢講 poo poo....即係大便....當然係poo係尿片到...不過起碼佢有意識話我知 !! 希望呢方面慢慢有進步啦~~