20媽媽小天地

6月2日端午節, 姊妹們相約一齊去掘蜆.........地點是貝澳!!

我地一行十幾人, 中午約左在東涌集合.........先買好野飲, 再一齊上車!! 當我地上晒車坐好後, 問司機貝澳叫落.............司機竟然話呢架車去長沙唔係去貝澳! WHAT ?!?!  我地上錯左車, 但因為已俾晒錢, 所以無辦法!! 幸好呢個世界有 Google.......拿拿聲上網查吓, 原來長沙都有人去掘蜆的! OK, let's go~~

去到沙灘一點左右, 太陽很猛, D沙好熱............好彩搵到樹陰地方, 一放底野, 心急既小朋友換好泳衣就去玩喇!!

我地第一次來長沙泳灘, 呢度D沙好白好幼呀, 踩上去好舒服的............不過俾太陽晒到超熱, 很剌腳!!   

予晴初初又很怕沙, 都用左D時間去適應...............

習慣左就可以自己玩沙喇~~

雪雪帶左支好利害既水槍, 幾位小姐爭住玩呀~~

背住個水箱, 好有型 Haaa Haaa~

呢幅好好笑~

我地係沙灘度唔係好見到有人掘蜆........所以爸爸們決定帶撐搭幾個站車去附近水口掘蜆!! 佢地既論點係..........特登來掘蜆, 無理一隻都無得帶返去!! 所以......爸爸們去搵食, 媽媽們留底來照顧子女! 哈哈哈哈~ 

小姐們好忙的掘呀掘........

 小朋友合照唔見左予晴...........因佢樹熊上身唔肯落地 -______-"

 予晴不停話好驚好驚..............

呢個小鬼最餵食了~

好可愛的大頭妹~

小姐們話要掘個大坑浸水沖涼, 不停咁掘沙同加水.........

好忙的來來回回攞水......因佢地唔夠力去按水制, 沖涼既哥哥姐姐都無佢地乎, 沖沖吓身要幫佢地 fill 水, 超攪笑 

呢個愚公移山既工程............最尾是一個光禿禿既小坑

我地大概五/六點走人.............最後一人分左隻大蜆, 小姐們珍而重之咁帶返屋企~

辛苦晒爸爸, D 蜆帶左俾公公婆婆.....浸兩日俾佢吐沙, 佢地食完話d蜆好甜呀 ^^