20媽媽小天地

話說予晴都兩歲幾差不多三歲, 夠大個容易照顧......所以 outdoor 活動我地可以試吓去 camp! 研究吓覺得 book 康文署的campsite 都唔錯喎....度吓時間表, 一月六日至九日係考試周, 跟住個 weekend 最好緊係要玩番吓啦!! 最後 book 左一月十日至十一日係鯉魚門度假村, 來個簡單的兩日一夜~

網址   http://www.lcsd.gov.hk/tc/camp/p_lymp.php

我地Day 1 中午係筲箕灣食個午餐後, 跟住就搭shuttle bus 入營, 10分鐘左右路程, 好方便~

去到先攞房,  我地 book 既係四人家庭房,  簡單既床同擺設, 感覺 OK wor ! 房間雖然簡單, 不過我覺得俾小朋友朋體驗吓都幾好, 因為佢地實在太幸福喇~

兩個小朋友都好興奮呢~

我地放低大背包, 就急不及待去玩喇~ 

呢個小朋友吊橋好好玩的~

鯉魚門度假村有個特別之處, 就係有騎術學校, 園友可以 book 馬匹來騎, 不過數量好有限, 要預先book 定的! 貴爸幫妹頭book 左隻小馬, 好有趣的, 連我自己都好想玩呀, 下次有機會一定要book 多隻大人先得!!

呢個係馬馬既居所.............個天靚到呢~~ 

三隻馬已準備好喇~

首先同你既馬匹打個招呼先~

跟住就可以上馬喇~

小妮子好開心呢~

教練會先安排佢地同馬熱身.......

跟住就會玩一d"馬背上"既遊戲, 我地係場外睇既都覺得好好玩呢 !

騎完馬我地就係公園玩多陣, 跟住就搭車出去食晚飯喇!!

夕陽下的一家人

我地原先 book 左係營內 BBQ 的....點知兩個星期前營舍打電話來話包伙食既餐廳投標後流標, 所以暫時都唔會有膳食供應 !! 吓, 咁都有既 ?!?!  如果要 BBQ都可以, 佢地可以留燒烤爐俾我地, 不過就要自備用品同食物 !! 噢, 考慮吓決定都係出去食簡單d......

我地去左筲箕灣東大街, 好多野食.......廿零蚊的士, 確係方便呢~

食完野返來再玩遊戲室同做小手工~

兩個同其他小朋友玩到 friend 左了~

對於做小手工, 妹頭都唔錯呀, 可以好有耐性咁跟住導師做~

大概十點, 活動室都要休息喇! 我地就返房沖涼瞓覺 loo~ 

度假村既夜景都好靚呢~

第二朝, 我地係房食個簡便早餐, 就出去玩喇! 出營時間係下午一點前, 所以我地有半日時間玩!!

呢度有室內射箭場, 我就去排隊玩!! 因為安全理由, 要8歲以上先可以玩....所以我射箭時, 貴爸就帶左兩個小朋友去公園放電 !!

度假村有個咖啡廳, 個 view 好靚架!! 清楚望到海防博物館呢~

玩完有媽媽送上美味既零食, 好幸福呢~! Haa haa~

都市的小朋友, 電話都好玩 ?!

大概十二點幾, 我地就執埋野離開營地, 落番筲箕灣嘆個靚茶,  跟住就返屋企喇~

落筲箕灣我地無搭車, 係可步行既路程......當做吓運動都幾好的!! 哈哈~