20媽媽小天地

呢日大約12點機, 我地朝早8點幾便出門口了, 約十點多到機場與黃爸黃媽集合.........

當我地去到check in 櫃檯......俾晒 passport 俾職員時, 佢地睇一睇, 就話要睇吓黃爸黃媽既入台証! 研究了一輪.......就話我爸媽既入台証唔可以入境 ?!?! 吓?!?!? 問題是我爸媽是國內出生, 又未去過台灣, 是不可以在網上做簽証的!!!  即使是在台灣機場做落地簽証都不可以, 必須要親身往灣仔的台灣駐香港領事館申請才可, 此刻沒有任何辦法!!  職員解釋之前都有人有此問題, 結果是去了台灣要原機折返香港!! Oh No!!!!!!!  

我個一刻是呆了, 因我們此行程是一心要陪爸爸媽媽去的, 現在點算好?!? 我地行開商討了一陣, 一係我地兩姊妹連兩個女去, 一係就一家人都唔去!! 唉, 我個刻是很很很失望, 亦很怪自己為何這樣失策!! 我跟爸媽說對不起, 令他們失望了, 反倒是他倆很睇得開, 反而在安慰我!!! 如果全部唔去, 金錢損失大! 橫掂我很久很久沒有去台北, 而此行的很多地方我都沒有到過, 又請了假, 所以, 雖然心情忐忑....我都決定同兩女去玩玩, 去就去吧~~

造就左今次四女台北之旅, 由此開始, Go Go Go~!

過了 boarding time 我地仲在此呀 !!  -_____-II

航班 delay 了一個小時......登了機, 我地坐係位都又等了很久, 等極都未起飛?! 原來廣播話航空交通管制, 又遲了很多......真係等都等到呆了!! 香港航空, 上次飛沖繩感覺很好, 今次去台北反而很差, 下次真要認真考慮係咪再選佢呀 ><

腸仔包, 啱晒兩位小姐~ 

我地去到桃園機場快5點了......比原先遲了兩個多小時!! 我們包了司機直去酒店, 司機就在機場一直等, 很不好意思呢!! 司機唔錯, 上左車佢交個電話俾我地, 主要是share Wifi (即使我地沒有包佢車遊玩), 我地唔須要自己買電話咭, 可以無限上網!! 機場去酒店 TWD1200, 酒店去機場 TWD1000, 唔係最平, 不過服OK ! 我地原先預6個人, 包車回酒店很化算.......不過如果人少少, 其實機場有巴士直去台北車站的,  再轉捷運都很方便. 

一個小時左右去到酒店, 台灣朋友Adela 已在等了.........難得相聚, 很開心呢~~

我地在酒店房已聊起來, 幾個女孩子吱吱喳喳的, 很多說話, 哈哈! 6點多, 我原計劃去饒河夜市, 要搭捷運至台北車站再轉火車! 而Adela 就建議去士林夜市, 因捷運直達很方便! 帶住兩位小姐, 我和Sue 都有些累, 同意一起去士林, 由Adela 帶領!!

我地這幾天行程主要以捷運為主, 所以, 先去買張悠遊卡 , 同香港的八達通一樣, 去邊度都好方便! 悠遊卡是先入錢買張咭, 再入錢增值, 有文字有發聲說明, 很清楚的......

中正紀念堂到士林站在同一條捷運線, 好快就到! 士林站一出便看到夜市, 很就腳呀! 呢日係星期六晚, 超多人!!!  天氣熱, 我地食得唔多........志在湊吓熱鬧!

熱到C, 一去到先買凍飲先~

Adela 好like 呢個豬血糕, 但唔係我地杯茶.........我只試吃一口, 好似食無味的塑膠!! Haa haa~

士林除左食攤, 賣貨既攤檔都好多好多........妹頭, 你要買錶嗎?!

呢個蔥油餅好熱辣辣, 好咪~

胡椒餅......餅皮厚, 不過內里很 juicy

天氣太熱, 一路行一路食唔係辦法! 我地既策略係買晒所有野食, 行開一邊慢慢嘆~

 小妹津津有味~

我手上呢個臭豆腐唔係我地食開個d, 好香好味呀~~ 

食完最尾都係坐了在 starbucks 嘆冷氣吹吹水........Hee Hee

呢個提子汁超甜, 你睇佢兩個飲到個樣 !!!  我第二日直頭俾佢地開水飲......

妹頭攞住相機周圍影, 無意中影左呢張好 moody 既夜景~! 

大頭蝦沒有用相機合照.........只有 Adela 上載呢一幅!! 借來用住先~

妹頭要食雪糕......見到呢間咁特別, 一於試吓!

一開始整, 成個店煙霧迷漫...........我想應該是乾冰效果吧~  Adela, 你個表情也太戲劇了吧?! 哈哈哈哈~! 

完成喇!! Yummy~

雪糕ok滑啦, 我覺得賣啅頭多d ! 大家經過可以試吓呀~

我地呢晚夜左返酒店, 返到去仲要同兩位小姐沖涼.......幸好不用趕行程, 第二朝一於瞓到自然醒先起身!!

係度介紹吓帥客旅店~

係中正紀念堂站2號出口, 出左一直行三,四個街口就到, 見到羅斯福路一段90巷轉右就到, 路程5分鐘左右, 地點唔錯!

我地房型係Deluxe 雙床房, 將兩張單人床合併變成 king size bed, 瞓我地四個都無問題呀! 第二日執房仲塑性幫我地轉用一張大床單, 很貼身, 哈哈~

房間很小, 不過我地只係瞓, 留既時間唔多, 無所謂......但下次會考慮空間大D既酒店!  酒店每日有兩支水供應, 而房門口又有水機, 所以全程唔駛煲水! 浴室清潔, 設備齊全, 有浴缸可以俾兩位小姐玩水!

整體唔錯, 係 budget traveller 之選! 不過有兩點唔好, 一就係地毯唔夠乾淨! 可能開業都有兩年多, 地毯感覺不太好........而二就係隔音差, 我地瞓得晏, 朝早隔離d bang 門聲都聽到晒, 醒瞓既人慘d!!

有個小提點, 我係之前爬文時見d到話上房要要求唔係酒店廚房個邊, 因為一朝早廚房準備早餐會有好大味! 我一早book 酒店時已 request 了, 所以沒有此問題~