22 Jun 2014 <星期日>
一張大床, 四女一齊瞓都卓卓有餘...........第一晚大家都昏迷一樣, 超好瞓!! 第二朝我未太清醒, Sue 話已11點了!!! 嘩!! 我去旅行未試過瞓到咁晏的.....好像太誇了!!!
瞓飽兩個仲唔捨得起身, 挨係床睇卡通片, 幾疏乎~
的了兩位小姐梳洗, 換好衫便直接出門口! 接近12點, 先午餐吧!! 我地係酒店附近出名既金鋒魯肉飯坐底, 叫了好吃既魯肉飯同麵, 地方好簡陋, 不過食物不錯吃呀, 價錢又很平, 唔怪得時時都見到有人排隊啦~
金鋒魯肉飯, 地址:台北市中正區羅斯福路一段10號, 電話:02-2396-0808
幾樣野都好食呀, 推介~
食飽起行, 但個天開始下雨了.......bad !!
台北人好禮讓呀......見我抱住小朋友上捷運一定讓坐! 香港還差很遠呢~
我地先去MAJI MAJI集食行樂, 係捷運圓山站1號出口, 向花博公園方向行幾分鐘便到! 呢個係近年新興既市集, 佢時不時有唔同主題的………
今次主題係天然食材......我地試食左甜甜既水果, 現場又有好多農產品售賣~
呢個伯伯好利害呀, 手織既小玩意好靚呢!
我地周圍行吓, 出面擺放好多細檔仔, 但因下雨, 都無人行……….好多人就聚晒係室內, 左邊係一排食店, 可以坐低慢慢嘆, 另一邊就係d特色既鋪頭, 行吓hea吓很悠閒的~
如果未食 lunch, 黎呢度可以先開餐再慢慢行......
有間 lego 鋪頭, 小朋友都圍住個 lego 池尋寶!
行吓有趣既家品店.......
最里面有個小小既表演台~
另外有個小小既旋轉木馬, 啱晒小朋友, 只要係個度任何消費既收據就可以玩……..我地走左去食雪糕, 店里面放左小學生既棹椅, 好可愛~
ice-cream time..........永遠是最快樂的時光~~
妹頭在台北完全可以用國語溝通.......自己走左去搭訕 -______-II
我可愛的污糟猫~
我地兩姊妹, 真係唔知幾耐無影過合照喇~
就係呢個喇~
這個小姐...............
兩歲既小朋友已經完全唔駛人扶要自己玩了~
MAJI MAJI集食行樂
台北市中山區玉門街1號 (圓山站1號出口)
02-2597-7112
周一至周五 11:00-21:00, 周六及周日 11:00-22:00
有facebook專頁: https://zh-hk.facebook.com/majisquare
三點幾, 我地向淡水進發! 我在網上爬文, 全部都話唔好太早入淡水, 因老街既鋪頭都未開, 遊淡水要下午或黃昏來先靚….我地時間非常好啦~
見到呢架火車就啱方向喇~
妹頭話呢個好得意, 自己影的...
去到先行淡水老街, 見到賣淡水魚酥同鐵蛋, 我地都好興奮的先入貨……..不過原來成條街都係, 直頭是手信街, 可以唔駛咁早買攞餐死 !
又有好多賣"古早味"既糖果同玩具鋪頭, 懷舊一番!
淡水我地無食”阿給” (太飽又熱, 見到大大個既”阿給”真係食唔落呢!), 反而行行吓中途有芝士蛋糕新鮮出爐好香有人排隊買, 我地又去買來試吓…….
點知買既size唔係一小塊, 而係成塊磚頭咁大!!! 唔係呀?! 佢既蛋糕一盤一盤新鮮出爐, 一大盤大概切十份, 好快就清晒, 好利害! 我地直接坐係店側邊撕來食, 蛋糕熱辣辣好軟好好味, 推介呀~ 不過份量太多, 多d人分享更好……..我足足吃了兩天, 仍然美味!!!!
真係成舊磚咁大......不過堅係好味!!
妹頭見到陶笛好鐘意, 一於買回來~
我地跟住搭船去漁人碼頭情人橋, 未到黃昏但美景卻係令人好舒服, 我地興致勃勃周圍影相………..
妹頭開始笛不離手/口............不停的表演 @@
情人橋美景, 感覺好悠閒好舒服的~
又來 show time了~
好攪笑既壁畫~
我地難得既合照.........不過周圍超多人!!
當我要同兩女在橋中合照, 交相機俾Sue時, 意外發生了!!! 相機踫跌了在地上…….Sue即時尖叫了出來, 周圍既人即刻向我地投以奇異既目光!! 相機鏡頭跌壞了, 無晒反應, 喧佈死亡!! 天呀~~ 呢個旅程究竟可以幾爛?!
我地兩個個刻既心情真係難以用筆墨黎形容, 真的壞透了~ 好彩Sue有帶佢自己部相機, 我地之後三日既旅程仲可以留倩影!
稍事休息吓….整理吓心情, 我地就搭返回程船出去淡水碼頭, 因為路要繼續行呀! (好似講梗人生, 哈哈!) 沿路行番去捷運站, 好遠好累呀
夜晚一於食好d, 我地去了上引水產, 捷運由淡水站去行天宮站, 再轉的士…….
里面有一個個既水槽養住d水產, 幾得意的! 有立食區, 好多人在吃呢~
我地去到時間太夜了, 壽司都賣完, 只剩一些卷物…..我地又搶了三文魚同鮮帶子, 特價了很抵吃呀!!
掃完我地飛的士回酒店, 沖個靚涼再舒舒服服嘆我地豐富既晚餐~
兩小姐直接坐係床度食呀 ^^
上引水產 ADDICTION AQUATIC CO.,LTD.
台北市民族東路410巷2弄18號 (行天宮站或者中山國中站, 建議出捷運站後轉的士)
週一至週日 06:00~24:00
TEL.02-2508-1268
http://www.addiction.com.tw/
留言列表