20媽媽小天地

妹頭開學好似打仗一樣，返學仲忙過我地返工……而我放工後就要同佢並肩作戰, 跟功課, 跟默書, 好似重讀小一一樣!!  所以, 呢個遊記只可以一點點地以龜速地寫出來  

Day 1: Legoland, 新山海鮮 

朝早10:50既機, 我地8:50左右就到機, Tigar air要去T2 check in, 之後大人小朋友食個早餐, 因為沒有買飛機餐又要買定d乾糧……再行去gate口, 又要fill定水, 唔知係咪細機大家都好早就準備上飛機…..即使未夠鐘, 我地結果都是趕到唔趕, 差不多是最後一批上飛機, 連gate口大合照都影唔少切……真係第一次咁趕上飛機呀!!! 

上到機, 安頓好小朋友……….三個幾鐘既機程, 我地準備左零食, 圖書, 紙加顏色筆, ipad等….好不容易頂到新加坡樟宜機場!!　

出左海關，已見到Jason團隊在等, 我地交收左平價入場卷，就可以出車直奔Legoland了!!!  Jason團隊的司機是華人，用廣東話溝通完全無問題，仲好好傾！ 一個鐘左右車程，大概五點我地就到左Legoland喇，　一見到酒店真係大人細路都嘩嘩聲，起開心超興奮的!!!

Lobby 是整個 Lego 城堡, 大人check in, 小朋友就不停玩,玩,玩~

撞啱時間仲有真人 Lego 出來影相.....

我地攞左房後，第一件事是搵寶箱解密碼……書枱有張提示紙，大家就要搵出個答案先開到個寶箱! 小朋友要動動腦筋一齊搵答案，好有趣的，讚呀!!　

未開到寶箱.....我地先換泳衣去酒店既泳池玩水!!  因我之前上網查了，泳池剛巧明天開始要關門維修一段時間， 我地一場黎到梗係趁機玩吓啦!!  酒店泳池唔大，亦唔係賣點….不過我地小朋友細，有得玩水就已經好開心了！哈哈～　

予晴超喜歡 Chole 姐姐~

好開心呀~~~

我們很肉的全家幅 Haaa haaa~

玩左一陣間，就沖涼換衫出去食晚餐！　之前係車度問司機新山食海鮮去邊好，佢就推介左 "天來"......話佢地本地人都係去呢度食，又好味又唔貴！OK, 我地一於試吓…….搵了架７人的士，一程RM40 (平過分兩架的士，又安全的), 六點半左右到餐廳已經有好多枱坐左，我地係室內搵張大枱坐低就叫野食喇~

開飯喇~~~

我地叫左炒飯

炒蛋

蒸條魚

麥片蝦

咸蛋蟹

炒個菜同豆腐

個個菜都好好味，"天來"真係不錯既推介呀～～～

我地食到飽一飽都仲要係門口車仔檔買榴槤返酒店門口食…..試左皇中皇同猫山王，口腹之慾…….真係乎復何求呀!!!

返到酒店......我地就坐係酒店出面享用我地既皇中皇!! 哈哈~

我地點會捨得即刻上床瞓覺丫!!! 小朋友係lobby砌lego, 大人就四圍影相………

海盜呀~~~~

 <-- 好傻好攪笑!!!

鍾意 Lego 既朋友.....真係大把手信可以買呀!!

我可愛既予晴! Hee Hee~

上到房，因我地訂既係雙連房，幾個小朋友就係不停的穿梭兩間房，可以feel到呢個旅程佢地係幾咁興奮呀!! 

幾姐妹回來又很認真的解鎖!!! 哈哈哈哈~

我地既酒店房

雙人大床, 再加一張三格碌架床......基本上可以瞓5個人呀~

洗手間很窩心的設了大小洗手盤..........大人同小朋友可以分開用, 又唔駛抱高小朋友!!

p.s.: 酒店好舒適, 不過 Wifi 是個問題.............唔係部部電話都connect 到, 我同 Kelly 就係不停連線但都 connect 唔到, 到最尾人個日先上到網, 好奇怪!! 希望快D改善呢個問題啦~