2013 台中清境之旅 3 - 日月潭,一中夜市－20媽媽小天地

今天我地離開清境去日月潭喇! 執埋行李, 食早餐, 之前 book 左 e-go 既旅遊巴....等九點到民宿到 pick up 我地......個天都幾光, 天氣應該唔錯吧.....點知係車途中就開始落雨...仲越落越大!!! 心知不妙.............

等車前仲好開心的玩吹泡泡~~

你睇 background 幾好天!?!

e-go 幾扺坐的, 如果夾啱時間, 人少少包車太貴的話, 坐 e-go 係唔錯既選擇 !! 我之前問包車單程清境到日月潭便要NT$2200, e-go 只須 NT$450 /人, 所以扺搭架~
http://www.cingjingbus.tw/index.php?option=com_content&view=category&layout=blog&id=7&Itemid=22

去到日月潭....司機教我地先放行李係水社既租船公司度.......玩完再回來攞番! 呢日原計畫係先搭車去集集行下食埋 lunch 先返來玩日月潭......不過個天好似倒水咁, 太大雨喇, 我地只好改變行程, 先留係日月潭上船遊下湖先!!

我地兩大兩小仲有BB車.......係水社碼頭上船, 中途站玄光碼頭, 大家都會落船去試好出名既阿嬤茶葉蛋.......唉, 實在係太大雨, 短短既路程我地即使有便利雨衣加雨傘, 條褲同鞋都係濕晒, 好狼狽!! 好彩予晴BB用背帶背住先幸保不濕!!

上左船......妹頭條褲濕到呢...

睇番妹頭個樣都覺得好好笑

濕立立, 妹頭周身都唔舒服, 食個茶葉蛋都苦瓜乾一樣, 無晒表情, 好可憐........

這個茶葉蛋得來不易.......只好默默的吃.............

每隔20分鐘左右一班船........但等這20分鐘感覺很漫長.......

上船後坐去伊達邵碼頭....呢個係大站, 搵地方食野都易D......但落大雨, 我地都無咩心機周圍行, 求其搵間麪檔坐底, 我最緊要安撫予晴食粥先!!

妹頭好不情願既樣.....

食完lunch....雨細左......睇睇時間表, 不如改為搭車去車珵行吓, 再直接返台中.....所以地決定番水社碼頭攞番d行李!!

P1410599

其實停雨後既日月潭都幾靚架~

最乾爽的予晴~~

買對拖鞋, 換過晒乾既衫褲, 成個人舒服晒!!! 雖然個天光左好多, 但雨仲係落下停下.......推住大行李箱行去客運站, 只係一條直路好吃力呢......唉, 我地一家大細, 諗清楚都係算了, 又要顧小朋友, 又顧車, 又顧行李.....無謂辛苦!! 最尾決定搭車返台中, 正好有的士司機兜客, 啱晒!! 寧願早D返酒店休息下呀~

係日月潭無咩影到相.....慘!! 只好到店到買吓野食~~