予晴這星期已夠十個月了, 亦即我當了足足十個月的奶媽生涯, 很振奮呢~~


 


由當初兩小時餵一次既乳牛生活, 到後來返工四小時一次, 半歲轉食一餐固體, 八,九個月食兩餐固體…..到而家我只須早上起床同晚上回家俾予晴埋身食奶, 基本上可以唔須要泵了…..因為我很易塞奶, 我唔敢立即停泵, 只敢慢慢減量, 身體仍在慢慢調節中….


 


回想返工泵奶的日子, 真的很忙, 不過很值得的!!! 每天背大大的袋裝奶泵, 奶樽, 冰包, 加飯盒…..飯前泵一次, 下午又泵一次, 放工又趕住返屋企見兩個寶貝, 時間過的很快呀!!! 好彩呢段時間工作不太忙, 完全可以配合到自己的時間, 奶媽工作非常順利呀!!


 


我時時說, 予晴很幸福, 因佢可享用媽媽的全人奶….家姐都是半人奶半奶粉咋!! 誰說人奶B細粒的, 睇見予晴肥嘟嘟個樣, 就知人奶好有營養啦~~


 


可以不用帶泵了……很輕鬆不過有點懷念以前 haaaHaaa~


 


希望可以繼續努力, 給最好的俾女女!! 奶媽加油!!

arrow
arrow
    全站熱搜

    Elaine 發表在 痞客邦 留言(3) 人氣()

    E-mail轉寄