20媽媽小天地

於大肚既時候, 逄周六我都有去聯合到聽吓產前講座, 個時就識左呢個朋友 - Samantha.......可能大家年紀差唔多, 有次坐埋就好好傾....又可能呢D叫緣份啦, 我同其他人坐時都唔會咁樣傾, 大家聽完 talk 就走人, 係同 Samantha 先傾到完左 talk 都唔肯走 !!!

我預產期比阿Sam早2 個月, 而佢因為老公係英國做野, 佢就係第8, 9 個月既時候就返左英國待產, 所以我地好早就分開左, 大家都靠為寫 blog 黎溝通同 update 大家既情況 !!! 09 年10月份佢帶埋阿B (O仔) 返左黎香港......我地兩個B完全未見過面, 原先好早約好左相聚, 點知妹頭又病同咳左一個月有多, 後來 O仔又病, 大家都唔敢出黎...到尋日終於兩B相偶喇 !!!

第一次見O仔....嘩, 個頭仔同妹頭相比細好多啊 !!! 個樣, 好男仔呀 !!! 兩Ｂ一見面，　唔知係咪大家差不多大，一D 都唔陌生，好friend 呀 !!!

兩個小朋友第一次見面, 攬攬先啦~~

妹頭一盡地主之宜, 同O仔分享佢既玩具.....O仔有得玩人地D玩具, 梗係開心啦~~

妹頭: 嘩, O仔你塊臉白雪雪, 俾姐姐摸吓......

呢個琴點樣玩架?!?

妹頭示範:

兩B呆呆的, 做咩呢?!?

原來要掙頭髮夾.....

O仔 : 我頭髮長呀, 我要 !!!!!!

O媽都要出手了~~~

不過, 妹頭你得幾條毛毛, 借俾O仔夾吓啦 !!!

雖然只係短短兩個小時, 不過好開心呀 !!! 阿Sam你第時返黎要再搵我地相聚呀 !!! 唔知到時兩個小朋友仲記唔記得對方呢?!?