20媽媽小天地

1月17日, 天氣暖番D, 好想去郊遊, 上網睇吓, 發現呢個地方幾好, 一家人一於去行吓 !!

地點係粉嶺鶴藪既香薰園, 我早少少煲好粥, 帶埋出去食.  我地到達時都一點幾喇, 天氣唔凍, 環境又好, 綠油油, 好舒服 !!  我地就係想妹頭見多d大自然既環境, 唔駛成日係個石屎森林到 !! Good !!

呢個園地方唔算好大, 不過幾靚架 !!

有呢個傳統既玩意, d小朋友玩得好緊張....而妹頭, 梗係要八卦吓啦 !!!

呢個叫靈龜池, 真的有大大隻烏龜的 !!

妹頭, 呢D 叫蓮花 !!! 只係小小幾棵, OK啦 !!

主角: 薰衣草園, 種左一行行既薰衣草, 影相好靚架 !!

種既地方唔算大, 不過就吓角度就可以影到充滿薰衣草既靚相 !! 呵呵~~

拖住爸爸去郊遊~~

妹頭,笑吓先~~

唔要一齊坐, 要自己黎 !!

另一塊花田, 影到奔跑中的妹頭, 好可愛 !!

最後, 去左草莓園摘士多啤利.....今次都係我第一次摘新鮮士多啤利咋 !!!

要邊粒就剪邊粒, 好得意 !!

戰利品 !! 粒粒都大大粒架 !!

我地即時洗黎食, 真的好鮮甜 !! 妹頭都食唔停口呀 !!!

一個好有趣又健康既活動, 推介俾大家呀 !!!  有興趣可以上呢個網址睇睇~

http://www.lavendergarden.com.hk/TraditionalChinese/Introduction.asp