20媽媽小天地

剛星期日參加左個 BB party, 初時有好多人報名既...不過後來見到好多人都陸續退出, 心諗有d不妙, 呢個party 真定假既呢? 會唔會攪唔成呢 ? 但我地又已經入數俾左錢, 點算好呢 ? 好彩去之前打電話去 YMCA 確定有呢個活動, 百分百肯定無泡湯....

會場有十幾個家庭, 雖然人數比原先少左好多, 不過就多左好多義工哥哥姐姐黎幫手, 氣氛都OK架 !!!  不過今次既食物, 我就覺得不太好喇 !!

妹頭第一次飲檸檬茶.......嘩, 人間極品呀!!!!  大啖大啖咁飲呀 !!!

十三, 四個月既BB, 我地好多都自己行喇......有部份B就玩爬爬比賽, 妹頭今次就無再玩喇, 反而玩個"BB短跑比賽", BB鬥快行到終點, 真的好刺激呀 !!!  我地太肉緊, 所以都無影到比賽既相呀!! 希望YMCA 個邊可以 send 比我地啦 !!

呢D係已經比賽完後既相喇~~

勝出BB, 影張相先啦~~

今次既聚會主力由 YMCA 去安排, 同平時由義工媽咪親手攪既有D唔同, 不過我覺得都OK喎, 又可以俾青年義工試吓攪活動, Good 呀 !!