愛爸爸.....－20媽媽小天地

D人話阿爸錫個女多d....原來係有原因的 !!!

點解咁講 ?!? 妹頭呢兩個星期開始, 唔知點解無原因的勁痴住個老豆.....每日無時無刻都叫住 "爸爸""爸爸""爸爸".......一朝早起身就指住爸爸叫........就算爸爸唔係屋企都會叫住爸爸.........門外有小小開鎖聲就即刻定住, 係唔係都叫爸爸 !!! 如果真係爸爸返, 佢會唔理三七廿一即刻走過去要爸爸抱抱, 好似好耐無見咁.......爸爸想洗吓對手先佢都等唔切要喊出黎咁制 !!!

而"媽媽"呢 ? 對唔住, 無我份.....叫佢叫"媽媽", 佢就扮聽唔到或者呆望住你! 你話係咪激屎我!!! 我真係唔明點解突然間 BB 會咁錫爸爸, 如果爸爸抱住, 佢個樣真係好開心.....我而家係有野食佢先會走過黎, 不過食完就拍拍屁股行開!!