20媽媽小天地

過左1歲, 長大左, 對身邊既一切超級有興趣......小朋友係0-3歲呢倘個階段, 腦部發展係最快既, 希望妹頭係呢段時間都盡量吸收啦 !!

13個月, 身高 75 cm, 重 24 磅. 之前長出左上顎好明顯係爆牙既犬齒, 竟然消失了 ?!?!? 原來牙仔下移左, 牙肉生出黎蓋住, 有咁既事 ?!? 太神奇了 !! 我再檢查, 發現上顎第一, 二隻大牙仔開始長出來....

13個月既妹頭, 詞彙豐富左好多好多, 好鍾意學人講野:

自己行時, 會講"一, 二,一, 二"......叫佢數手指又識"一, 二....."

跌左落地下會"哎喲".....

想攞又攞唔到既野, 就手指指嗌"o個個".....示意攞俾佢......

見到而又識叫既有 "魚, 猫, 鴨, 花, 樹, 包, 餅, 筆, 福, 杯, 奶, 波, 磅, 車.....

英文字母 "B"......

識得舉高手 "Yeah~~~"

攞住橙/ 柑/ 桔, 都叫人 "搣".....

指住書叫 "BB", 其實佢自己都係BB.......

帶佢去完德福, 佢而家識見到熊仔叫 "Bear Bear"....

攞住電話佢就"喂"....仲要行開講 !! 問佢傾緊大生意呀? 佢話"係", 幾百萬上落呀? 佢話"係" !!!!

識叫爸爸, 咪咪 (媽咪), 伯伯, 婆婆, 爺爺....

走去公公或者媽咪背脊, 然後拍住叫 "咩咩".....

聽到音樂自然扭 pat pat....

攞鎖匙識要插入鎖匙孔去......

要攞表姐既手袋, 仲要穿係手碗度 !!

親善大使, 無論識唔識既, 都笑住同人地 Bye Bye !!

識飛吻

點住頭叫"謝謝"

我地唔俾佢入洗手間同廚房, 佢會企係門口唔入, 試過俾人發展踏左入廚房, 會自動向後退......

識用飲管杯, 不過有時太大啖, 漏番出黎 !!

享受玩 sir 滑梯 (以前唔識玩, 很抗拒)

落行見到公園設施會好開心, 好興奮 !!

同爸爸一齊上網會好開心.....

發現佢喜歡睇書.....呢個真的要好好培養啊 !!!

你睇佢, 發忟憎時個樣幾衰 !!! 眼鼻口拿埋一執 !!

同妹頭一齊每刻都覺得好快樂 !!!

之前妹頭又生病了, 疴左好幾日, 又咳得好利害......差唔多兩個禮拜到而家都未清, 好難攪 !! 原先約左既BB聚會都唔敢去, 一黎驚再感染, 二黎又驚野到其他BB !! 妹頭一定要養好身子, 健康D, 同爸爸媽咪過個快樂既聖誕 !!!